ہمارے اسلاف کرام نے اس حکم کو سمجھا اور اس پر عمل پیرا ہوئے اور اسلام کا حیات بخش پیغام مشرق و مغرب میں پہنچایا۔ آفاق عالم میں توحید کی جان پر در صدا گونج اٹھی اور یہ ایک نا قابل انکار تاریخی حقیقت ہے کہ ایسے جانباز مجاہد جنہوں نے دلوں کی مملکتوں کو فتح کیا اور قلوب کے ظلمت کدوں میں ہدایت کے چراغ فروزاں کئے ،وہ انہی مکاتب کے جان پر وردہ تھے جن میں علوم اسلامیہ کی تدریس ہوتی تھی۔

آج بھی اگر ہم دل سے اس بات کے آرزومند ہیں کہ اسلام ایک موثر اور فیصلہ کن قوت کی حیثیت سے زندہ ر ہے اور اس کا سراج منیر باطل کی پھیلتی ہوئی تاریکی کو سمیٹنے اور سکڑنے پر مجبور کر دے تو ہمیں ان مدارس کے قیام اور ان کی نشو نما کی طرف عملی طور پر متوجہ ہو نا پڑے گا جہاں علوم قرآن و سنت کی تدریس با حسن وجوہ ہو سکے تاکہ ان درس گاہوں کے فیض یافتہ عالم انسانیت کو بھلائیوں کی طرف بلانے، نیکیوں کا حکم کرنے اور برائیوں سے باز رکھنے کا سنگین اور اہم فرائضہ ادا کر سکیں۔

یہ احساس عام ہے کہ ہمارے موجودہ دینی مدر سے ایسے علماء تیار کرنے میں اپنا فرض پوری طرح ادا نہیں کر رہے جو عصر حاضر میں خدمت اسلام کا حق ادا کر سکتے ہوں۔ بعض سنجیدہ حلقوں کی طرف سے اس کمی کو دور کرنے کے لیے عملی اقدامات کیے گئے ہیں اور مروجہ نصاب میں اپنے اپنے نقطہ نظر کے مطابق تبدیلیاں بھی کی گئی ہیں۔