Makki · 7 Ayahs · Juz 1

Surah Al-Fateha

The Opening

سُورَةُ الفاتحة

Ayah 1 / 7

Al-Fateha · Ayah 1 of 7Paused · arabic urdu

ArabicUrdu

Al-Fateha · Ayah 1:1

بِسۡمِ اللّٰہِ الرَّحۡمٰنِ الرَّحِیۡمِ ۙ﴿۱﴾

اللہ کے نام سے شروع کرتا ہوں جو بہت ہی مہربان ہمیشہ رحم کرنے والا ہے ۔

Al-Fateha · Ayah 1:2

اَلۡحَمۡدُ لِلّٰہِ رَبِّ الۡعٰلَمِیۡنَ ۙ﴿۲﴾

سب تعریفیں اللہ کے لیے جو مرتبہ کمال تک پہنچانے والا ہے سارے جہانوں کا

Al-Fateha · Ayah 1:3

الرَّحۡمٰنِ الرَّحِیۡمِ ۙ﴿۳﴾

بہت ہی ۔ رحم فرمانے والا

Al-Fateha · Ayah 1:4

مٰلِکِ یَوۡمِ الدِّیۡنِ ؕ﴿۴﴾

مالک ہے روز جزا کا

Al-Fateha · Ayah 1:5

اِیَّاکَ نَعۡبُدُ وَاِیَّاکَ نَسۡتَعِیۡنُ ؕ﴿۵﴾

تیری ہی ہم کرتے ہیں اور تجھی سے چاہتے ہیں

Al-Fateha · Ayah 1:6

اِہۡدِنَا الصِّرَاطَ الۡمُسۡتَقِیۡمَ ۙ﴿۶﴾

چلا ہم کو سیدھے پر

Al-Fateha · Ayah 1:7

صِرَاطَ الَّذِیۡنَ اَنۡعَمۡتَ عَلَیۡہِمۡ ۬ۙ غَیۡرِ الۡمَغۡضُوۡبِ عَلَیۡہِمۡ وَلَا الضَّآلِّیۡنَ ٪﴿۷﴾

راستہ ان کا پر تو نے انعام فرمایا ، نہ ان کا پر غضب اور نہ گمراہوں کا ۔

Next Surah ›

2. Al-Baqara · 286 ayat

البقرة

Tafseer al-Qur’an

Surah Al-Fateha · Ayah 1

Zia ul Quran

یہ وہ مختصر لیکن حقائق اور معانی سے لبریز، دل نشین ودل آویز جلیل القدر سورت ہے جس سے اس مقدس آسمانی کتاب کا آغاز ہوتا ہے جس نے تاریخ انسانی کا رخ موڑ دیا۔ جس نے فکر ونظر میں انقلاب پیدا کردیا۔ جس نے قلب وروح کو نئی زندگی بخش دی۔ اس پاک سورت کی گوناں گوں برکات کو کیوں کر قلمبند کیا جاسکتا ہے۔ وہ متعدد نام جن سے نبی اکرم (صلی اللہ علیہ وآلہ وسلم) نے اس سورت کو یاد فرمایا حقیقت شناس نگاہوں کو ان فیوض و برکات سے آشنا کردیں گے جو اس میں بڑی خوبصورتی سے سمو دئیے گئے ہیں۔ ان ناموں سے چند یہ ہیں :۔ الفاتحہ : رحمت و حکمت کے خزانے کھولنے والی۔ فاتحۃ الکتاب : قرآن حکیم کے سربستہ روزوں کی کلید۔ ام القرآن : حقائق قرآنی کا ماخذ ومنبع۔ السبع المثانی : بار بار دہرائی جانے والی سات آیتیں۔ الشفاء : جسمانی اور روحانی بیماریوں کا تریاق۔ یہ سورة پاک مکہ مکرمہ میں نازل ہوئی۔ اس کا ایک رکوع ہے۔ سات آیتیں ہیں۔ اس کے الفاظ کی تعداد پچیس ہے اور حروف کی تعداد 123 ہے۔ 1 ف اسلامی آداب معاشرت میں بسم اللہ الخ کو اہم مقام حاصل ہے۔ ہمیں ہمارے ہادی ومرشد (صلی اللہ علیہ وآلہ وسلم) نے یہ سبق دیا ہے کہ ہر کام بسم اللہ الخ سے شروع کرو۔ بلکہ یہاں تک فرمایا اغلق بابک واذکر اسم اللہ واطفی مصباحل واذکر اسم اللہ و خمراناءک واذکر اسم اللہ واوک سقاءک واذکر اسم اللہ (تفسیر القرطبی) دروازہ بند کرو تو اللہ کا نام لیا کرو۔ دیا بجھاؤ تو اللہ کا نام لیا کرو۔ اپنے برتن ڈھانپو تو اللہ کا نام لیا کرو۔ اپنی مشک کا منہ باندھو تو اللہ کا نام لیا کرو۔ “ مقصد یہ ہے کہ ہر کام چھوٹا ہو یا بڑا کرتے وقت انسان اپنے کارساز حقیقی کا نام لینے کا خوگر ہوجائے تاکہ اس کی برکت سے مشکلیں آسان ہوں۔ اس کی تائیدونصرت پر اس کا توکل پختہ ہوجائے۔ نیز جب اسے ہر کام شروع کرتے وقت اللہ کا نام لینے کی عادت ہوجائے گی تو وہ ہر ایسا کام کرنے سے رک جائے گا جس میں اس کے رب تعالیٰ کی ناراضگی ہو۔ امام قرطبی نے صحیح سند سے یہ حدیث نقل کی ہے کہ عثمان (رض) بن ابی العاص نے شکایت کی کہ یا رسول اللہ (صلی اللہ علیہ وآلہ وسلم) جب سے مشرف با اسلام ہوں جسم میں درد رہتا ہے۔ تو حضور اکرم (صلی اللہ علیہ وآلہ وسلم) نے فرمایا کہ جہاں درد ہو وہاں ہاتھ رکھ کر تین بار بسم اللہ الخ پڑھو اور سات بار یہ جملہ کہو اعوذ بعزۃ اللہ وقدرتہ من شر ما اجد و احاذر۔ 2 فاللہ معبود حقیقی کا علم ذاتی ہے۔ ذات باری کے علاوہ کسی کے لیے استعمال نہیں ہوتا۔ 3 ف یہ دونوں مبالغے کے صیغے ہیں۔ ان کا ماخذ رحمت ہے۔ اور رحمت الٰہی سے مراد اس کا وہ انعام و اکرام ہے جس سے وہ اپنی مخلوق کو سرفراز فرماتا رہتا ہے۔ وجود، زندگی، علم، حکمت، قوت، عزت اور عمل صالح کی توفیق سب اس کی رحمت کے مظاہر ہیں۔ یہ اس کی بےپایا رحمت ہی تو ہے جس نے کسی استحقاق کے بغیر انسان کی جسمانی اور روحانی بالیدگی کے سب سامان فراہم فرما دئیے۔ یہ اس کی بےحدو بےحساب رحمت ہی تو ہے کہ ہماری لگاتار ناشکریوں اور نافرمانیوں کے باوجود وہ اپنے لطف وکرم کا دروازہ بند نہیں کرتا۔ کبھی آپ نے غور فرمایا کہ قرآن اللہ کی جس صفت کا سب سے پہلے ذکر کرتا ہے وہ صفت قہاریت وجباریت نہیں بلکہ صفت رحمانیت ورحیمیت ہے۔ یہ اس لیے کہ بندہ کا جو تعلق اللہ تعالیٰ سے ہے اس کا دارومدار خوف وہراس اور رعب ودبدبہ پر نہ ہو۔ بلکہ رحمت و محبت پر ہو۔ کیونکہ یہی وہ اکسیر ہے جس سے انسان کی خفتہ صلاحیتیں بیدار ہوتی ہے اور پنہاں توانائیاں آشکار۔ اور یہی معراج انسانیت ہے کہ انسان اپنے آپ کو عیاں دیکھ لے۔ بعض حق ناشناس کہتے ہیں کہ اسلام کا خدا خونی ہے اور اپنے ماننے والوں کو خونخواری سکھاتا ہے۔ کاش وہ اسلام کی مقدس کتاب کے پہلے صفحہ کی پہلی آیت ہی پڑھ لیتے تو انھیں پتہ چل جاتا کہ اسلام کا خدا خونخواری نہیں، الرحمن ہے۔ اس کی رحمت کا وسیع دامن کائنات کے ذرہ ذرہ کو اپنے آغوش لطف وکرم میں لیے ہے۔ اسلام کا خدا سفاک نہیں بلکہ الرحیم ہے اس کی رحمت کا بادل ہر وقت برستا ہی رہتا ہے۔ جیسے پہلے عرض کی یہ دونوں مبالغہ کے صیغے ہیں۔ ان کا معنی صرف رحمت کرنے والا نہیں بلکہ بہت اور ہر وقت رحمت کرنے والا ہے۔ لیکن الرحمن میں الرحیم سے بھی زیادہ مبالغہ ہے یعنی بہت ہی رحم فرمانے والا۔ اتنی رحمت فرمانے والا ہے جس سے زیادہ کا تصور ہی نہیں کیا جاسکتا۔ معناہ المنعم الحقیقی البالغ فی الرحمۃ غایتھا وذلک لا یصدق علی غیرہ (بیضاوی) اسی لیے الرحمن کا اطلاق بجز ذات الٰہی کے کسی پر نہیں ہو۔ مسئلہ : بسم اللہ الخ کلام الٰہی ہے۔ دو سورتوں میں الگ کرنے کے لیے اس کا نزول ہو۔ یہ نہ سورة فاتحہ کی آیت ہے نہ کسی اور سورت کی۔ نال سورة کی آیت ہے نہ کسی صورت کی۔ ہاں سورة النمل کی ایک آیت کا جزو ہے۔ اس لیے احناف ومالکیہ کے نزدیک سورة فاتحہ کی طرف نماز میں اسے بلند آواز سے پڑھنا منع ہے۔

Key Points

1اللہ تعالیٰ کی صفتِ رحمانیت و ربوبیت کا بیان
2روزِ جزا کی حاکمیتِ مطلقہ اور توحیدِ عبادت
3صراطِ مستقیم اور انعام یافتہ ہستیوں کا راستہ

Related Ayahs

View All ›

2:163

وَإِلَٰهُكُمْ إِلَٰهٌ وَاحِدٌAnd your God is One God.

6:162

قُلْ إِنَّ صَلَاتِي وَنُسُكِيSay: my prayer and sacrifice…

“

Al-Fatihah is the greatest surah in the Holy Qur’an.

— Sahih al-Bukhari 4474