Surah Surat Ha-meem-Assajdah

حا ۔ میم ۱ ف ۔

اتارا گیا ہے ( یہ قرآن ) رحمن و رحیم ( خدا ) کی طرف سے ۲ ف ۔

یہ ایسی کتاب ہے جس کی آیتیں تفصیل سے ۳ ف بیان کر دی گئی ہیں ۔ یہ قرآن عربی ( زبان میں ) ہے ۴ ف یہ ان لوگوں کے لیے ہے جو علم ( و فہم ) رکھتے ہیں ۵ ف ۔

یہ مژدہ سنانے والا اور ( بروقت ) خبردار کرنے والا ہے ، بایں ہمہ منہ پھیر لیا ان میں سے اکثر نے ، پس وہ اسے قبول نہیں کرتے ۶ ف ۔

اور ان ( ہٹ دھرموں ) نے کہا ہمارے دل غلافوں میں ( لپٹے ہوئے ) ہیں اس بات سے جس کی طرف آپ ہمیں بلاتے ہیں ۷ ف اور ہمارے کانوں میں گرانی ہے اور ہمارے درمیان اور تمہارے درمیان ایک حجاب ہے ، تم اپنا کام کرو ، ہم اپنے کام میں لگے ہوئے ہیں ۔

آپ فرمائیے میں انسان ہی ہوں ( بظاہر ) تمہاری مانند ۸ ف ( البتہ ) وحی کی جاتی ہے میری طرف کہ تمہارا معبود خداوند یکتا ہی ہے ۹ ف پس متوجہ ہو جاؤ اس کی طرف اور مغفرت طلب کرو اس سے ۔ اور ہلاکت ہے مشرکوں کے لیے ۱۰ ف ۔

جو زکوۃ نہیں دیتے اور وہ آخرت کے منکر ہی رہتے ہیں ۱۱ ف ۔

بیشک وہ لوگ جو ایمان لے آئے اور جنہوں نے نیک اعمال کیے ان کے لیے ایسا اجر ہے جو منقطع نہ ہو گا ۱۲ ف ۔

آپ ( ان سے ) پوچھیے کیا تم لوگ انکار کرتے ہو اس ذات کا جس نے پیدا فرمایا زمین کو دو دن میں ۱۳ ف اور ٹھیراتے ہو اس کے لیے مد مقابل ۔ وہ تو رب العالمین ہے ( اس کا مد مقابل کون ہو سکتا ہے ) ۔

اور اس نے ( ہی ) بنائے ہیں زمین میں گرے ہوئے پہاڑ جو اس کے اوپر ( اٹھے ہوئے ) ہیں ۱۴ ف اور اس نے بڑی برکتیں رکھی ہیں اس میں ۱۵ ف اور اندازہ سے مقرر کر دی ہیں اس میں غذائیں ( ہر نوع کے لیے ) ۱۶ ف چار دنوں میں ۱۷ ف ( انکا حصول ) یکساں ہے طلبگاروں کے لیے ۱۸ ف ۔

پھر اس نے توجہ فرمائی آسمان کی طرف ، وہ اس وقت محض دھواں تھا ۱۹ ف پس فرمایا اسے اور زمین کو کہ آ جاؤ ( تعمیل حکم اور ادائے فرائض کے لیے ) خوشی سے یا مجبوراً ۲۰ ف دونوں نے عرض کی ہم خوشی خوشی ( دست بستہ ) حاضر ہیں ۲۱ ف ۔

پس بنا دیا انھیں سات آسمان ۲۲ ف دو دنوں میں اور وحی فرمائی ہر آسمان میں اس کے حسب حال اور ہم نے مزین کر دیا آسمان دنیا کو ۲۳ ف چراغوں سے اور اسے خوب محفوظ کر دیا ۲۴ ف یہ ( سارا ) نظام سب سے غالب ، سب کچھ جاننے والے ( خدا ) کا ہے ۲۵ ف ۔

پس اگر وہ ( پھر بھی ) روگردانی کریں تو آپ فرمائیے کہ میں نے ڈرایا ہے تمہیں اس کڑک سے جو عاد و ثمود کی کڑک کی مانند ( ہلاکت خیز ) ہو گی ۲۶ ف ۔

۔( کچھ یاد ہے ) جب آئے تھے ان کے پاس رسول سامنے سے اور پیچھے سے ( یعنی ہر طرف سے یہ سمجھانے کے لیے ) کہ اللہ کے سوا کسی کی عبادت نہ کرو ۲۷ ف انھوں نے کہا اگر ہمارے رب کی مرضی ہوتی ( کہ ہمیں کچھ سمجھائے ) تو فرشتے نازل کرتا ، پس ہم جو دے کر تمہیں بھیجا گیا ہے ( اسکا سراسر ) انکار کرتے ہیں ۲۸ ف ۔

پس قوم عاد نے تو سرکشی اختیار کی زمین میں ناحق ۲۹ ف اور کہنے لگے ہم سے زیادہ طاقتور کون ہے ؟ کیا انھوں نے نہ جانا کہ اللہ تعالیٰ جس نے ان کو پیدا کیا ہے وہ ان سے زیادہ قوی ہے ۔ اور وہ ( تو ) ہمیشہ ہماری آیتوں کا انکار کرتے تھے ۔

پس ہم نے بھیج دی ان پر سخت ٹھنڈی تند ہوا ۳۰ ف منحوس دنوں میں تاکہ ہم انھیں چکھائیں ذلت آمیز عذاب اس دنیوی زندگی میں ۔ اور آخرت کا عذاب تو بہت زیادہ رسوا کن ہو گا اور ان کی ہرگز مدد نہ کی جائے گی ۔

باقی رہے ثمود ۳۱ ف تو انھیں ہم نے سیدھی راہ دکھائی ، انھوں نے پسند کیا اندھے پن کو ہدایت پر ، تو پکڑ لیا انھیں اس عذاب کی کڑک نے جو رسوا کن ہے ان کرتوتوں کے باعث جو وہ کیا کرتے تھے ۔

اور ہم نے ان لوگوں کو نجات دی جو ایمان لائے تھے اور ( اللہ کی نافرمانی سے ) ڈرتے رہتے تھے ۳۲ ف ۔

اور ( ذرا خیال کرو ) اس دن کا جب جمع کیے جائیں گے اللہ کے دشمن آتش ( جہنم ) کی طرف ، پھر وہ ( گروہوں میں ) بانٹ دیے جائیں گے ۳۳ ف ۔

یہاں تک کہ جب وہ دوزخ کے قریب آ جائیں گے ( تو حساب شروع ہو گا اس وقت ) گواہی دیں گے ان کے خلاف ان کے کان ، ان کی آنکھیں اور ان کی کھالیں اس کے بارے میں جو وہ کیا کرتے تھے ۳۴ ف ۔

اور وہ کہیں گے اپنی کھالوں سے ۳۵ ف تم نے ہمارے خلاف گواہی کیوں دی ۔ وہ کہیں گے ( ہم بے بس ہیں ) ہمیں تو گویا کر دیا ہے اللہ نے جس نے گویا کیا ہے ہر شے کو ۳۶ ف اور اسی نے تمہیں پیدا کیا تھا پہلی مرتبہ اور اب اسی کی طرف تم لوٹائے جا رہے ہو ۔

اور تم نہیں چھپا سکتے تھے اپنے آپ کو اس امر سے کہ گواہی نہ دیں تمہارے خلاف تمہارے کان اور نہ تمہاری آنکھیں اور نہ تمہاری کھالیں ۳۷ ف بلکہ تم تو یہ گمان کرتے تھے کہ اللہ تعالیٰ جانتا ہی نہیں تمہارے اکثر اعمال کو جو تم کرتے ہو ۳۸ ف ۔

اور تمہارے اسی گمان نے جو تم اپنے رب کے بارے میں کیا کرتے تھے تمہیں ہلاک کر دیا ، پس تم ہو گئے نقصان اٹھانے والوں سے ۔

پس وہ صبر کریں ( یا نہ کریں ) آگ ہی ان کا ٹھکانا ہے ۳۹ ف اور اگر وہ ( اس وقت ) رضائے الہی چاہیں گے تو وہ ان میں سے نہیں ہوں گے جن پر اللہ راضی ہوا ۴۰ ف ۔

اور ہم نے مقرر کر دیے ان کے لیے کچھ ساتھی ، پس انھوں نے آراستہ کر دکھایا انھیں اگلے اور پچھلے گناہوں کو ۴۱ ف اور ثابت ہو گیا ان پر فرمان ( عذاب ) ان قوموں کی طرح جو ان سے پہلے گزر چکی تھیں جنوں اور انسانوں سے ۔ وہ سب ( اگلے پچھلے ) نقصان اٹھانے والے تھے ۔

اور کہنے لگے وہ کافر مت سنا کرو اس قرآن کو اور شور و غل مچا دیا کرو اس کی تلاوت کے درمیان ۴۲ ف شاید تم ( اس طرح ) غالب آ جاؤ ۔

پس ہم خوب چکھائیں گے کفار کو شدید عذاب ( کا مزہ ) اور انھیں بدلہ دیں گے بہت برا اس ( نافرمانی ) کا جو وہ کیا کرتے تھے ۴۳ ف ۔

یہ ہے سزا اللہ کے دشمنوں کی یعنی آگ ۔ ان کے لیے اس میں ہی ہمیشہ ٹھہرنے کا گھر ہے ۔ یہ سزا ہے اس بات کی کہ وہ ہماری آیتوں کا انکار کیا کرتے تھے ۔

اور کافر کہیں گے اے ہمارے رب ! ہمیں دکھا وہ دونوں ( شیطان ) جنہوں نے ہمیں گمراہ کیا جنوں اور انسانوں سے ، ہم انھیں روند ڈالیں گے اپنے قدموں کے نیچے تاکہ وہ ہو جائیں پست ترین لوگوں سے ۴۴ ف ۔

بیشک وہ ( سعادت مند ) جنہوں نے کہا ہمارا پروردگار اللہ تعالیٰ ہے پھر وہ اس قول پر پختگی سے قائم رہے ۴۵ ف اترتے ہیں ان پر فرشتے ( اور انھیں کہتے ہیں ) کہ نہ ڈرو اور نہ غم کرو ۴۶ ف تمہیں بشارت ہو جنت کی جس کا تم سے وعدہ کیا جاتا تھا ۔

ہم تمہارے دوست ہیں دنیوی زندگی میں بھی اور آخرت میں بھی ۔ ۴۷ ف اور تمہارے لیے اس میں ہر وہ شے ہے جو تمہارا جی چاہے اور تمہارے لیے اس میں ہر وہ چیز ہے جو تم مانگو گے ۴۸ ف ۔

یہ میزبانی ہے بہت بخشنے والے ہمیشہ رحم فرمانے والے کی طرف سے ۴۹ ف ۔

اور اس شخص سے بہتر کس کا کلام ہے جس نے دعوت دی اللہ کی طرف ۵۰ ف اور نیک عمل کیے ۵۱ ف اور کہا کہ میں تو ( اپنے رب کے ) فرمانبردار بندوں میں سے ہوں ۵۲ ف ۔

نہیں یکساں ہوتی نیکی اور برائی ۔ ۵۳ ف برائی کا تدارک اس ( نیکی ) سے کرو جو بہتر ہے ۵۴ ف پس ناگہاں وہ شخص تیرے درمیان اور اس کے درمیان عداوت ہے ، یوں بن جائے گا گویا تمہاری جانی دوست ہے ۵۵ ف ۔

اور نہیں توفیق دی جاتی ان ( خصائل حمیدہ ) کی بجز ان کے جو صبر کرتے ہیں ۵۶ ف اور نہیں توفیق دی جاتی ان کی مگر بڑے خوش نصیب کو ۔

اور ( اے سننے والے ) اگر شیطان کی طرف سے تیرے دل میں کوئی وسوسہ پیدا ہو تو ( اس کے شر سے ) اللہ کی پناہ مانگ ۵۷ ف یقیناً وہی سب کچھ سننے والا سب کچھ جاننے والا ہے ۔

اور اس کی ( قدرت کی ) نشانیوں میں سے رات بھی ہے اور دن بھی ، سورج بھی ہے اور چاند بھی ۵۸ ف مت سجدہ کرو سورج کو اور نہ چاند کو بلکہ سجدہ کرو اللہ کو جس نے انھیں پیدا فرمایا ہے ۵۹ ف اگر تم واقعی اس کے پرستار ہو ۔

پھر ( بھی ) اگر وہ تکبر کرتے رہیں ( تو ان کی قسمت ) پس وہ ( فرشتے ) جو آپ کے رب کے پاس ہیں تسبیح کرتے رہتے ہیں اس کی شب و روز ۶۰ ف اور وہ نہیں تھکتے ۶۱ ف ۔

اور اس کی ( قدرت کی ) نشانیوں میں سے یہ بھی ہے کہ تو دیکھتا ہے زمین کو کہ وہ ( کسی وقت ) خشک بنجر ہے ، پھر جب ہم اتارتے ہیں اس پر ( بارش کا ) پانی تو جھومنے لگتی ہے اور کھل اٹھتی ہے ۶۲ ف بیشک وہ ( قادر مطلق ) جس نے زندہ کر دیا ہے زمین کو ، وہی زندہ کرنے والا ہے مردوں کو ۔ بلاشبہ وہ ہر چیز پر پوری طرح قادر ہے ۔

بیشک وہ لوگ جو ہماری آیتوں میں اپنی طرف سے اضافے کرتے ہیں ۶۳ ف وہ ہم سے چھپے ہوئے نہیں ہیں ۔ تو کیا جو پھینکا جائے گا آگ میں وہ بہتر ہے یا جو آئے گا امن و سلامتی کے ساتھ قیامت کے دن ( وہ بہتر ہے ) تم وہ کرو جو تمہاری مرضی یقیناً جو کچھ تم کرتے ہو ، وہ خوب دیکھ رہا ہے ۔

بیشک وہ لوگ جنہوں نے قرآن کو ماننے سے انکار کیا جب وہ ان کے پاس آیا ۶۴ ف ( تو وہ ہٹ دھرم لوگ ہیں ) اور بیشک یہ بڑی عزت ( حرمت ) والی کتاب ہے ۔

اس کے نزدیک نہیں آ سکتا باطل نہ اس کے سامنے سے اور نہ پیچھے سے ۶۵ ف یہ اتری ہوئی ہے بڑے حکمت والے ، سب خوبیاں سراہے کی طرف سے ۔

۔( اے حبیب ! ) نہیں کہا جاتا آپ کو مگر وہی جو کہا گیا پیغمبروں کو آپ سے پہلے ۶۶ ف بیشک آپ کا پروردگار ( اہل ایمان کے لیے ) بہت بخشنے والا اور ( منکرین کے لیے ) دردناک عذاب دینے والا ہے ۔

اور بالفرض اگر ہم اسے بنا کر بھیجتے قرآن عجمی زبان میں تو کہتے کیوں نہ کھول کر بیان کی گئیں اس کی آیتیں ۔ ۶۷ ف کیا اچنبھ ہے کتاب عجمی اور نبی عربی ۶۸ ف آپ فرمائیے یہ قرآن ایمان لانے والوں کے لیے تو ہدایت اور شفاء ہے ۶۹ ف اور جو ایمان نہیں لائے ان کے کانوں میں بہرہ پن ہے اور وہ ان پر ( ہر حال میں ) مشتبہ رہتا ہے ۔ انھیں گویا بلایا جاتا ہے دور کی جگہ سے ۔

اور ہم نے عطا فرمائی موسیٰ ( علیہ السلام ) کو کتاب ، پس اس میں بھی بہت اختلاف کیا گیا ہے ۷۰ ف اور اگر ایک بات طے نہ ہو گئی ہوتی آپ کے رب کی طرف سے تو ( ابھی ) فیصلہ کر دیا جاتا ان کے درمیان ۔ اور بیشک وہ ایک شک میں مبتلا ہیں اس کے بارے میں جو بے چین کر دینے والا ہے ۔

جو نیک عمل کرتا ہے تو وہ اپنے بھلے کے لیے اور جو برائی کرتا ہے اس کا وبال اس پر ہے اور آپ کا رب تو بندوں پر ظلم کرنے والا نہیں ۔

اسی اللہ کی طرف لوٹایا جاتا ہے قیامت کا علم ۷۱ ف اور نہیں نکلتا کوئی پھل اپنے غلافوں سے اور نہ حاملہ ہوتی ہے کوئی مادہ اور نہ بچہ جنتی ہے اس کے علم کے بغیر ۔ اور جس روز وہ انھیں پکارے گا کہ کہاں ہیں میرے شریک ؟ کہیں گے ہم ( پہلے ) عرض کر چکے ہیں ہم میں سے کوئی بھی ( اس پر ) گواہی نہ دے گا ۷۲ ف ۔

اور گم ہو جائیں گے ان سے جن کی وہ پہلے عبادت کیا کرتے تھے اور وہ یقین کر لیں گے کہ اب بھاگ جانے کی کوئی جگہ نہیں ۔

نہیں اکتاتا انسان بھلائی کی دعا کرنے سے ۷۳ ف اور اگر اسے کوئی تکلیف پہنچتی ہے تو بالکل مایوس ( اور ) ناامید ہو جاتا ہے ۔

اور اگر ہم چکھائیں اسے رحمت اپنی جناب سے اس تکلیف کے بعد جو اسے پہنچتی ہے تو کہتا ہے میں اسی کا مستحق ہوں ۷۴ ف اور میں نہیں خیال کرتا کہ قیامت برپا ہو گی ۔ اور اگر میں لوٹایا گیا اپنے رب کی طرف تو یقیناً میرے لیے اس کے پاس بھی اکرام ہی اکرام ہو گا ( یہ احمق کیا سوچ رہے ہیں ) ہم تو آگاہ کریں گے کافروں کو جو کرتوت انھوں نے کیے ۔ اور ہم ضرور چکھائیں گے انھیں سخت عذاب ۔

اور جب ہم احسان فرماتے ہیں انسان پر تو وہ ( تکبر سے ) منہ پھیر لیتا ہے اور پہلو تہی کرنے لگتا ہے اور جب اسے تکلیف پہنچتی ہے تو لمبی چوڑی دعائیں کرنے لگ جاتا ہے ۔

آپ فرمائیے ( اے کافرو ! ) تم مجھے بتاؤ اگر یہ قرآن اللہ کی طرف سے ہو پھر تم اس کا انکار کرو تو کون زیادہ گمراہ ہے اس سے جو اختلاف میں بہت دور نکل گیا ہو ۔

ہم دکھائیں گے انھیں اپنی نشانیاں آفاق ( عالم ) میں اور ان کے اپنے نفسوں میں تاکہ ان پر واضح ہو جائے کہ قرآن واقعی حق ہے ۷۵ ف کیا یہ کافی نہیں کہ آپ کا رب ہر چیز پر گواہ ہے ۷۶ ف ۔

سنو ! یہ لوگ شک میں مبتلا ہیں اپنے رب سے ملنے کے بارے میں ۷۷ ف یاد رکھو وہ ہر چیز کو گھیرے ہوئے ہے ۔