Makki · 5 Ayahs · Juz 30

Surah Al-Falaq

The Daybreak

سُورَةُ الفلق

Ayah 1 / 5

Al-Falaq · Ayah 1 of 5Paused · arabic urdu

ArabicUrdu

بِسْمِ ٱللَّهِ ٱلرَّحْمَٰنِ ٱلرَّحِيمِ ﴿١﴾

In the name of Allah, the Most Gracious, the Most Merciful.

Al-Falaq · Ayah 113:1

قُلۡ اَعُوۡذُ بِرَبِّ الۡفَلَقِ ۙ﴿۱﴾

آپ عرض کیجیے میں لیتا ہوں صبح کے پروردگار کی ۔

Al-Falaq · Ayah 113:2

مِنۡ شَرِّ مَاخَلَقَ ۙ﴿۲﴾

ہر اس چیز کے شر سے جس کو اس نے کیا ۔

Al-Falaq · Ayah 113:3

وَمِنۡ شَرِّ غَاسِقٍ اِذَا وَقَبَ ۙ﴿۳﴾

اور ( خصوصاً ) کی کے شر سے جب وہ چھا جائے ۔

Al-Falaq · Ayah 113:4

وَمِنۡ شَرِّ النَّفّٰثٰتِ فِی الۡعُقَدِ ۙ﴿۴﴾

اور ان کے شر سے جو پھونکے مارتی ہیں گرھوں میں ۔

Al-Falaq · Ayah 113:5

وَمِنۡ شَرِّ حَاسِدٍ اِذَا حَسَدَ ٪﴿۵﴾  38

اور ( میں مانگتا ہوں ) حسد کرنے والے کے شر سے جب وہ حسد کرے ۔

Next Surah ›

114. un-Naas · 6 ayat

الناس

Tafseer al-Qur’an

Surah Al-Falaq · Ayah 1

Zia ul Quran

1 علامہ راغب عوذ کی تشریح کرتے ہوئے لکھتے : العوذ : الالتجاء الی الغیر والتعلق بہ۔ کسی کی پناہ لینا۔ اور اس کے ساتھ چمٹ جانا۔ علامہ ابن منظور لکھتے ہیں : عاذ بہ یعوذ عوذ ا : لاذبہ والجأ الیہ واعتصم۔ (لسان العرب) کسی کی پناہ لینا، کسی کا دامن مضبوطی سے پکڑ لینا۔ الفلق کا اصلی معنی تو چیرنا اور پھاڑنا ہے، اس آیت میں اس سے مراد صبح ہے جو رات کا سینہ چاک کر کے باہر نکلتی ہے۔ قرآن کریم کی یہ دو آخری سورتیں ہیں۔ انھیں معوذتین کہتے ہیں۔ اس کتاب مقدس میں انسان کا منشورحیات پیش کردیا گیا۔ اس کی منزل متعین کردی گئی جس کے بغیر اور کوئی منزل اس قابل نہیں کہ نوع انسانی کے کسی فرد کی یا کسی جماعت کی منزل بن سکے۔ یہی وہ بلند منزل ہے جس پر خیمہ زن ہونے کے لیے پر کشا ہونا اس مسجد ملائک کو زیب دیتا ہے، لیکن اس منزل کی راہ مشکلات سے اٹی ہوئی ہے، قدم قدم پر رکاوٹوں کے پہاڑ راستہ روکے کھڑے ہیں، کمین گاہوں میں اس کے دشمن اس کی تاک میں بیٹھے ہیں تاکہ جب موقع ملے، وہ اس پر جھپٹ پڑیں، اس کی دشمن قوتیں ایسی بھی ہیں جو اس کی جسمانی صلاحیتوں کو فنا کرنے کے لیے پر تول رہی ہیں۔ بعض ایسی ہیں جو اس کی متاع ایمان کو غارت کردینا چاہتی ہیں۔ یہ مشت خاک بیک وقت ان تمام دشمنوں سے کیسے برسر پیکار ہوسکتا ہے اور کیوننکر ان میں سے ہر ایک کو پچھاڑ سکتا ہے ؟ اس لیے اس راہرو منزل شوق کو قرآن کریم ایک ایسی ہستی کی پناہ لینے کا درس دے رہا ہے جو سب سے اعلی سب سے بالا اور سب سے اقوی اور سب پر غالب ہے۔ وہ تیرے ظاہری اور باطنی دشمنوں کو جانتا ہے، وہ تیرے جسمانی اور روحانی اعداء کو بھی پہچانتا ہے، تیرے خلاف ان کے کھلے منصوبوں اور خفیہ سازشوں سے اچھی طرح آگاہ ہے اور ان منصوبوں کو خاک میں ملانے اور ان کی سازشوں کو ناکام کرنے کی بھی پوری قوت رکھتا ہے۔ آؤ ! اس کی پناہ لے لو۔ اس کے دامن کرم کو مضبوطی سے پکڑ لو، پھر بےخوف وخطر اپنی منزل کی طرف بڑھتے چلو۔ تم کس بلندی پر اپنا آشیانہ بناتے ہو، یہ تمہارے عز م اور ہمت پر منحصر ہے خارجی اور داخلی مزاحمتوں سے اب تمہیں ڈرنے کی ضرورت نہیں۔ اس سورت میں ان امور کا ذکر کیا گیا جو انسان کی جسمانی نشوونما اور صحت و عافیت کے لیے خطرناک ہیں اور دوسری سورت میں ان خطرات کا ذکر کیا گیا جو اس کے ایمان وایقان کو اس سے چھین لینا چاہتے ہیں۔ اس سورت کی پہلی آیت میں اللہ تعالیٰ نے اپنے محبوب کو حکم دیا اور حضور کے واسطے سے ہر غلام بارگاہ رسالت کو حکم دیا کہ کہہ، میں پناہ لیتا ہوں صبح کے پروردگار کی جس نے رات کی تاریکی کو صبح کے اجالے سے بد دیا، رات کے سناٹے اور ویرانے کو دن کی رونقوں سے نواز دیا، جس نے رات کی وحشتوں کو دن کی دلچسپیوں میں تبدیل کردیا، جو نامساعد حالات کو یوں تبدیل کرنے پر قادر ہے، وہ تیری بگری بھی بنا سکتا ہے، تیری امیدوں کی دنیا میں جو گھپ اندھیرا ہے، اس کی نظر کرم سے وہ بھی کافور ہوسکتا ہے، اس کی بارگاہ بیکس پناہ میں حاضر ہو کر فریاد تو کر، پھر دیکھ کیا ہوتا ہے۔

Key Points

1اللہ تعالیٰ کی صفتِ رحمانیت و ربوبیت کا بیان
2روزِ جزا کی حاکمیتِ مطلقہ اور توحیدِ عبادت
3صراطِ مستقیم اور انعام یافتہ ہستیوں کا راستہ

Related Ayahs

View All ›

2:163

وَإِلَٰهُكُمْ إِلَٰهٌ وَاحِدٌAnd your God is One God.

6:162

قُلْ إِنَّ صَلَاتِي وَنُسُكِيSay: my prayer and sacrifice…

“

Al-Fatihah is the greatest surah in the Holy Qur’an.

— Sahih al-Bukhari 4474