Surah Surat Younus

الف ۔ لام ۔ را ۱ ف یہ آیتیں ہیں کتاب حکیم کی ۔ ۲ ف

کیا ( یہ بات ) لوگوں کے لیے باعث تعجب ہے کہ ۳ ف ہم نے وحی بھیجی ایک مرد ( کامل ) پر جو ان میں سے ہے کہ ڈراؤ لوگوں کو ۴ ف اور خوشخبری دو انھیں جو ایمان لائے کہ ان کے لیے مرتبہ بلند ہے ۵ ف ان کے رب کے ہاں ۔ کفار نے کہا بلاشبہ یہ جادوگر ہے کھلا ہوا ۔ ۶ ف

بیشک تمہارا رب اللہ تعالیٰ ہے جس نے پیدا فرمایا آسمانوں اور زمین کو ۷ ف چھ دنوں میں ، پھر متمکن ہوا عرش پر ( جیسے اسے زیبا ہے ) ہر کام کی تدبیر فرماتا ہے ۸ ف کوئی نہیں شفاعت کرنے والا مگر اس کی اجازت کے بعد ۹ ف یہ ہے اللہ تعالیٰ جو تمہارا پروردگار ہے ۱۰ ف سو عبادت کرو اس کی ۔ تو کیا تم غور و فکر نہیں کرتے ؟ ۔

اسی کی طرف لوٹنا ہے تم سب نے ۱۱ ف یہ اللہ تعالیٰ کا سچا وعدہ ہے بیشک وہی ابتدا کرتا ہے پیدائش کی پھر وہی دہرائے گا اسے تاکہ جزا دے انھیں جو ایمان لائے اور نیک عمل کیے ۱۲ ف انصاف کے ساتھ ۔ اور جنھوں نے کفر کیا ان کے لیے پینے کو کھولتا ہوا پانی اور دردناک عذاب ہو گا بوجہ اس کے کہ وہ کفر کرتے رہتے تھے ۔

وہی ہے جس نے بنایا ۱۳ ف سورج کو درخشاں اور چاند کو نور ۱۴ ف اور مقرر کیں اس کے لیے منزلیں ۱۵ ف تاکہ تم جان لو گنتی برسوں کی اور حساب ۱۶ ف نہیں پیدا فرمایا اللہ تعالیٰ نے اسے مگر حق کے ساتھ ۱۷ ف تفصیل سے بیان کرتا ہے ( اپنی قدرت کی ) نشانیاں ! ان لوگوں کے لیے جو علم رکھتے ہیں ۔

بیشک ۱۸ ف گردش لیل و نہار میں اور جو کچھ پیدا فرمایا ہے اللہ تعالیٰ نے آسمانوں اور زمین میں ( ان میں اس کی ) نشانیاں ہیں اس قوم کے لیے جو متقی ہے ۔ ۱۹ ف

بیشک وہ لوگ جو امید نہیں رکھتے ہم سے ملنے کی اور خوش و خرم ہیں دنیوی زندگی سے اور مطمئن ہو گئے ہیں اس ( کے ساز و سامان ) سے اور وہ لوگ جو ہماری آیتوں سے غفلت برتتے ہیں ۔ ۲۰ ف

یہی لوگ ہیں جن کا ٹھکانا دوزخ ہے بہ سبب ان عملوں کے جو وہ کماتے رہے ۔

یقیناً وہ لوگ جو ایمان لائے اور نیک عمل کیے ۲۱ ف پہنچائیگا انھیں ان کا رب ( منزل مقصود تک ) ان کے ایمان کے باعث ۔ رواں ہوں گی ان کے نیچے نہریں نعمت ( و سرور ) کے باغوں میں ۔

۔( بہار جنت کو دیکھ کر ) ان کی صدا وہاں یہ ہو گی پاک ہے تو اے اللہ ۲۲ ف اور ان کی دعا یہ ہو گی کہ ” سلامتی ہو “ اور ان کی آخری پکار یہ ہو گی کہ سب تعریفیں اللہ تعالیٰ کے لیے ہیں جو مرتبہ کمال تک پہنچانے والا ہے سارے جہانوں کو ۔

اور اگر جلد بازی کرتا اللہ تعالیٰ لوگوں کو شر پہنچانے میں جیسے وہ جلد بازی کرتے ہیں بھلائی کے لیے ۲۳ ف تو پوری کر دی گئی ہوتی ان کی میعاد ۔ ( لیکن یوں نہیں بلکہ ) ہم چھوڑے رکھتے ہیں انھیں جو توقع نہیں رکھتے ہماری ملاقات کی تاکہ وہ اپنی سرکشی میں بھٹکتے رہیں ۔ ۲۴ ف

اور جب پہنچتی ہے انسان کو کوئی تکلیف ( تو اس وقت ) پکارتا ہے ہمیں لیٹا ہوا ہو یا بیٹھا ہوا ہو یا کھڑا ہوا ہو ۔ ۲۵ ف پھر جب ہم دور کر دیتے ہیں اس سے اس کی تکلیف ( تو ) چل دیتا ہے جیسے اس نے ہمیں ( کبھی ) پکارا ہی نہیں تھا کسی تکلیف میں جو اسے پہنچی تھی ۔ اسی طرح آراستہ کر دیے گئے حد سے بڑھنے والوں کے لیے وہ کرتوت جو وہ کیا کرتے تھے ۔ ۲۶ ف

اور بیشک ہم نے ہلاک کر دیا ۲۷ ف کئی قوموں کو جو تم سے پہلے تھیں جب وہ زیادتیاں کرنے لگے اور آئے ان کے پاس کے ان کے رسول روشن دلیلیں لے کر اور وہ ( ایسے ) نہیں تھے کہ ایمان لاتے ۔ اسی طرح ہم سزا دیتے ہیں مجرم قوم کو ۔

پھر ہم نے بنایا تمہیں ۲۸ ف جانشین زمین میں ان کے بعد تاکہ ہم دیکھیں کہ تم کیسے عمل کرتے ہو ۔

اور جب پڑھی جاتی ہیں ان پر ہماری روشن آیتیں ۲۹ ف ( تو ) کہنے لگتے ہیں وہ جو توقع نہیں رکھتے ہم سے ملنے کی کہ لے آئیے ( دوسرا ) قرآن اس ( قرآن ) کے علاوہ یا رد و بدل کر دیجیے اسی میں ۔ فرمائیے مجھے اختیار نہیں کہ رد و بدل کر دوں اس میں اپنی مرضی سے ، میں نہیں پیروی کرتا ( کسی چیز کی ) بجز اس کے جو وحی کی جاتی ہے میری طرف ، میں ڈرتا ہوں اگر میں اپنے رب کی نافرمانی کروں ، بڑے دن کے عذاب سے ۔

آپ فرما دیجیے اگر چاہتا اللہ تعالیٰ تو میں نہ پڑھتا اسے تم پر ۳۰ ف اور نہ ہی وہ آگاہ کرتا تمہیں اس سے ۔ میں تو گزار چکا ہوں تمہارے درمیان عمر ( کا ایک حصہ ) اس سے پہلے ۔ کیا تم ( اتنا بھی ) نہیں سمجھتے ۔

پس کون زیادہ ظالم ہے اس سے جو افترا باندھے اللہ تعالیٰ پر جھوٹا ۳۱ ف یا جھٹلائے اللہ تعالیٰ کی آیتوں کو ۔ بیشک مجرم فلاح نہیں پاتے ۔ ۳۲ ف

اور ( یہ مشرک ) عبادت کرتے ہیں ۳۲ ف اللہ تعالیٰ کے سوا ایسی چیزوں کی جو نہ انھیں نقصان پہنچا سکتی ہیں اور نہ نفع پہنچا سکتی ہیں اور وہ کہتے ہیں یہ ( معبود ) ہمارے سفارشی ہیں اللہ تعالیٰ کے ہاں ۳۴ ف آپ فرمائیے کیا تم آگاہ کرتے ہو اللہ تعالیٰ کو اس بات سے جو وہ نہیں جانتا نہ آسمانوں میں اور نہ زمین میں ۳۵ ف پاک ہے وہ اور بلند و بالا ہے اس شرک سے جو وہ کرتے ہیں ۔ ۳۶ ف

اور نہیں تھے لوگ ( ابتدا میں ) مگر ایک ہی امت ۳۷ ف پھر ( اپنی کجروی سے ) باہم اختلاف کرنے لگے اور اگر ایک بات پہلے سے طے نہ ہو چکی ہوتی آپ کے رب کی طرف سے تو فیصلہ کر دیا جاتا ان کے درمیان ان امور میں جن میں وہ اختلاف کیا کرتے ہیں ۔

اور کہتے ہیں ۳۸ ف کیوں نہ نازل کی گئی ان پر کوئی آیت ان کے رب کی طرف سے ؟ سو آپ فرمائیے غیب تو صرف اللہ کے لیے ہے ۔ پس انتظار کرو میں بھی تمہارے ساتھ انتظار کرنے والا ہوں ۔

اور جب ہم لطف اندوز کرتے ہیں لوگوں کو ( اپنی ) رحمت سے اس تکلیف کے بعد جو انھیں پہنچی ۳۹ ف تو فوراً وہ مکر و فریب کرنے لگتے ہیں ہماری آیتوں میں ۔ فرمائیے اللہ زیادہ تیز ہے اس فریب کی سزا دینے میں ۴۰ ف بیشک ہمارے بھیجے ہوئے ( فرشتے ) قلمبند کر رہے ہیں جو فریب تم کر رہے ہو ۔ ۴۱ ف

وہی ہے جو سیر کراتا ہے تمہیں خشک زمین اور سمندر میں ۴۲ ف یہاں تک کہ جب تم سوار ہوتے ہو کشتیوں میں ۴۳ ف اور وہ چلنے لگتی ہیں مسافروں کو لیکر موافق ہوا کی وجہ سے اور وہ مسرور ہوتے ہیں اس سے ( تو اچانک ) آ لیتی ہے انہیں تند و تیز ہوا اور آ لیتی ہیں انھیں موجیں ہر جگہ ( طرف ) سے اور وہ خیال کرنے لگتے ہیں کہ انھیں گھیر لیا گیا ( تو اس وقت ) پکارتے ہیں اللہ تعالیٰ کو خالص اسی کی عبادت کرتے ہوئے ۴۴ ف کہتے ہیں اے کریم ! اگر تو نے بچا لیا ہمیں اس ( طوفان ) سے تو ہم یقیناً ہو جائیں گے ( تیرے ) شکر گزار ( بندوں ) سے ۔

پھر جب وہ بچا لیتا ہے انھیں تو وہ سرکشی کرنے لگتے ہیں زمین میں ناحق ۔ اے لوگو ! تمہاری سرکشی کا وبال تمہیں پر پڑے گا ۴۵ ف لطف اٹھا لو دنیوی زندگی سے پھر ہماری طرف ہی لوٹ کر آنا ہے تمہیں پھر ہم آگاہ کریں گے تمہیں جو کچھ تم کیا کرتے تھے ۔

پس حیات دنیوی ( کے عروج و زوال ) کی مثال ایسی ہے جیسے ہم نے پانی اتارا آسمان سے ۴۶ ف سو گھنی ہو کر اگی پانی کے باعث سر سبزی زمین کی جس سے انسان بھی کھاتے ہیں اور حیوان بھی ۔ یہاں تک کہ جب لے لیا زمین نے اپنا سنگار اور وہ خوب آراستہ ہو گئی اور یقین کر لیا اس کے مالکوں نے کہ ( اب ) انھوں نے قابو پا لیا ہے اس پر ( تو اچانک ) آ پڑا اس پر ہمارا حکم ( عذاب ) رات یا دن کے وقت پس ہم نے کاٹ کر رکھ دیا اسے گویا کل وہ یہاں تھی ہی نہیں ۔ یونہی ہم وضاحت سے بیان کرتے ہیں ۴۷ ف ( اپنی قدرت کی ) نشانیوں کو اس قوم کے لیے جو غور و فکر کرتی ہے ۔

اور اللہ تعالیٰ بلاتا ہے ( امن ) و سلامتی کے گھر کی طرف ۴۸ ف اور ہدایت دیتا ہے جسے چاہتا ہے سیدھے راستہ کی طرف ۔

ان کے لیے جنھوں نے نیک عمل کیے نیک جزا ہے بلکہ اس سے بھی زیادہ ۴۹ ف اور نہ چھائے گا ان کے چہروں پر ( رسوائی کا ) غبار اور نہ ذلت ( کا اثر ہو گا ) یہی لوگ جنتی ہیں وہ اس میں ہمیشہ رہیں گے ۔

اور جنھوں نے برے کام کیے ۵۰ ف تو برائی کی سزا اس جیسی ہو گی ۔ اور چھا رہی ہو گی ان پر ذلت ۔ نہیں ہو گا ان کے لیے اللہ ( کے عذاب ) سے کوئی بچانے والا ۔ گویا ڈھانپ دیے گئے ہیں ان کے چہرے کالی رات کے کسی ٹکڑے سے ۔ وہی دوزخی ہیں وہ اس میں ہمیشہ رہیں گے ۔

اور ( ان کی پشیمانی کا تصور کرو ) جس روز ہم جمع کریں گے ان سب کو ( میدان حشر میں ) پھر ہم حکم دیں گے مشرکوں کو ۵۱ ف اپنی اپنی جگہ پر ٹھیر جاؤ تم اور تمہارے جھوٹے معبود ۔ پھر ہم منقطع کر دیں گے ان کے باہمی تعلقات اور کہیں گے ان کے معبود ( اے مشرکو ! ) تم ہماری تو عبادت نہیں کیا کرتے تھے ۔

پس کافی ہے اللہ تعالیٰ گواہ ہمارے درمیان اور تمہارے درمیان کہ ہم تمہاری پرستش سے بالکل بے خبر تھے ۔

وہاں آزما لے گا ہر شخص جو اس نے آگے بھیجا تھا اور انھیں لوٹا دیا جائے گا اللہ تعالیٰ کی طرف جو ان کا مالک حقیقی ہے اور گم ہو جائے گا ان سے جو وہ افترا باندھا کرتے تھے ۔

آپ پوچھیے کون رزق دیتا ہے تمہیں ۵۲ ف آسمان اور زمین سے یا کون مالک ہے کان اور آنکھوں کا اور کون نکالتا ہے زندہ کو مردہ سے اور ( کون ) نکالتا ہے مردہ کو زندہ سے اور کون ہے جو انتظام فرماتا ہے ہر کام کا ؟ تو وہ ( جواباً ) کہیں گے اللہ ! پس آپ کہیے ( جب حقیقت یہ ہے ) تو تم ( شرکِ سے ) کیوں نہیں بچتے ۔

یہ ہے اللہ تعالیٰ جو تمہارا حقیقی پروردگار ہے ۵۳ ف پس حق کے بعد کیا ہے بجز گمراہی کے ۵۴ ف پھر تمہیں ( حق سے ) کدھر موڑا جا رہا ہے ۔

یونہی ثابت ہو چکی ہے آپ کے رب کی بات ۵۵ ف ان پر جو فسق و فجور کرتے ہیں کہ وہ ایمان نہیں لائیں گے ۔

۔( اے حبیب ) آپ پوچھیئے کیا تمہارے معبودوں میں کوئی ہے جو آغاز آفرنیش بھی کرے پھر ( فنا کے بعد ) اسے لوٹا بھی دے ۵۶ ف آپ ہی فرمائیے اللہ ہی آفرنیش کی ابتدا بھی کرتا ہے اور ( فنا کے بعد ) اسے لوٹاتا بھی ہے ۔ پس ( ہوش کرو ) کرو تم کدھر پھرے جاتے ہو ۔

آپ پوچھیئے کیا تمہارے معبودوں میں سے کوئی حق کی طرف رہنمائی کر سکتا ہے ۵۷ ف ( خود ہی جواباً ) فرمائیے اللہ ہی حق کی طرف رہنمائی فرماتا ہے تو کیا جو راہ دکھائے حق کی وہ زیادہ مستحق ہے کہ اس کی پیروی کی جائے یا وہ جو خود ہی راہ نہ پائے مگر یہ کہ اس کی رہنمائی کی جائے ۔ ( اے مشرکین ) تمہیں کیا ہو گیا ہے ؟ تم کیسے غلط فیصلے کرتے ہو ۔

اور نہیں پیروی کرتے ان میں سے اکثر مگر محض وہم و گمان کی ، بلاشبہ وہم و گمان بے نیاز نہیں کر سکتا حق سے ذرہ بھر ۵۸ ف بیشک اللہ تعالیٰ خوب جانتا ہے جو وہ کرتے ہیں ۔ ۵۹ ف

اور نہیں ہے یہ قرآن ۶۰ ف کہ گھڑ لیا گیا ہو اللہ تعالیٰ ( کی وحی آئے بغیر ) بلکہ یہ تو تصدیق کرنے والا ہے اس وحی کی جو اس سے پہلے نازل ہو چکی ہے اور الکتاب کی تفصیل ہے ، ذرہ شک نہیں اس میں کہ یہ رب العٰلمین کی طرف سے ( اتری ) ہے ۔

کیا یہ ( کافر ) کہتے ہیں کہ اس نے خود گھڑ لیا ہے اسے ۔ آپ فرمائیے پھر تم بھی لے آؤ ایک سورت اس جیسی اور ( امداد کے لیے ) بلا لو جن کو تم بلا سکتے ہو اللہ تعالیٰ کے علاوہ ۶۱ ف اگر تم ( اپنے الزام میں ) سچے ہو ۔

بلکہ انھوں نے جھٹلایا اس چیز کو ۶۲ ف جسے وہ پوری طرح نہ جان سکے اور نہیں آیا ان کے پاس اس کا انجام ۶۳ ف اسی طرح ( بے علمی سے ) جھٹلایا انھوں نے جو ان سے پہلے تھے پھر دیکھ لو کیسا انجام ہوا ظالموں کا ۔ ۶۴ ف

اور ان میں سے کچھ ایمان لائیں گے اس پر اور ان میں سے کچھ ایمان نہیں لائیں گے اس پر اور آپ کا رب خوب جانتا ہے مفسدوں کو ۔

اور اگر وہ آپ کو جھٹلائیں تو فرما دیجیے میرے لیے میرا عمل ہے اور تمہارے لیے تمہارا عمل ۶۵ ف تم بری الذمہ ہو اس سے جو میں کرتا ہوں اور میں بری الذمہ ہوں اس سے جو تم کرتے ہو ۔

اور ان میں سے کچھ ( بظاہر ) کان لگاتے ہیں آپ کی طرف ۶۶ ف تو کیا آپ سناتے ہیں بہروں کو خواہ وہ کچھ نہ سمجھتے ہوں ۔

اور ان میں سے کچھ ( بظاہر ) دیکھتے ہیں آپ کی طرف ۶۷ ف تو کیا آپ راہ دکھاتے ہیں اندھوں کو خواہ وہ کچھ نہ دیکھتے ہوں ۔

یقیناً اللہ تعالیٰ ظلم نہیں کرتا لوگوں پر ذرہ برابر ۴۸ ف لیکن لوگ ہی اپنے نفسوں پر ظلم کرتے ہیں ۔

اور جس روز اللہ تعالیٰ جمع کرے گا انھیں ( وہ خیال کریں گے ) گویا وہ ( دنیا میں ) نہیں ٹھیرے مگر ایک گھڑی دن کی ۶۹ ف پہچانیں گے ایک دوسرے کو ( تب حقیقت کھلے گی کہ ) گھاٹے میں رہے وہ لوگ جنھوں نے جھٹلایا اللہ تعالیٰ کی ملاقات کو ۷۰ ف اور وہ ہدایت یافتہ نہیں تھے ۔

اور خواہ ہم دکھا دیں آپ کو کچھ ( عذاب ) جس کا ہم نے وعدہ کیا ہے ان سے یا ( پہلے ہی ) ہم اٹھا لیں آپ کو ۔ ہر حالت میں ہماری طرف ہی انھیں لوٹنا ہے پھر اللہ تعالیٰ گواہ ہے اس پر جو وہ کرتے ہیں ۔

اور ہر قوم کے لیے ایک رسول ہے ۷۱ ف پس جب آیا ان کا رسول ( اور انھوں نے اس کو جھٹلایا تو ) فیصلہ کر دیا گیا ان کے درمیان انصاف کے ساتھ ۔ اور ان پر ظلم نہیں کیا جاتا ۔

اور وہ کہتے ہیں کب پورا ہو گا یہ ( عذاب کا ) وعدہ اگر تم سچے ہو ۔

آپ کہیے نہیں مالک ہوں میں اپنے آپ کے لیے ضرر کا اور نہ نفع کا مگر جتنا چاہے اللہ تعالیٰ ۷۳ ف ہر قوم کے لیے میعاد مقرر ہے جب آئے گی ان کی مقرر میعاد تو نہ وہ پیچھے رہ سکیں گے ایک لمحہ اور نہ آگے بڑھ سکیں گے ۔ ۷۴ ف

آپ فرمایئے ( اے منکرو ! ) ذرا غور تو کرو اگر آ جائے تم پر اس کا عذاب راتوں رات یا دن دہاڑے ( تو تم کیا کر لو گے ) کس چیز کا جلدی مطالبہ کر رہے ہیں اس سے مجرم ۔

کیا جب عذاب نازل ہو جائے گا تب ایمان لاؤ گے اس پر ۷۵ ف ( فرشتے انھیں کہیں گے ) اب ( آنکھیں کھلیں ) تم تو اس عذاب کے لیے بڑی جلدی مچا رہے تھے ۔

پھر کہا جائے گا ظالموں سے کہ چکھو ( اب ) دائمی عذاب ( کا مزہ ) کیا تمہیں بدلہ دیا جائے گا بجز اس کے جو تم کمایا کرتے تھے ۔

اور وہ دریافت کرتے ہیں آپ سے کیا یہ واقعی سچ ہے ؟ آپ فرمائیے ہاں ! بخدا یہ سچ ہے ۷۶ ف اور تم ( اللہ تعالیٰ کو ) عاجز کرنے والے نہیں ہو ۔

اور اگر ہر ظالم شخص کے لیے روئے زمین کی دولت ہو ۷۷ ف تو بھی وہ ساری دولت بطور فدیہ دیدے ۔ اور وہ ظالم دل ہی دل میں پچھتانے لگے جب دیکھا انھوں نے عذاب کو ۷۸ ف اور فیصلہ کر دیا گیا ان کے درمیان انصاف سے اور اُن پر ظلم نہیں کیا جائے گا ۔ ۷۹ ف

سن لو ! بیشک اللہ تعالیٰ ہی کا ہے جو کچھ آسمانوں میں ہے اور زمین میں ۸۰ ف سن لو ! یقیناً اللہ تعالیٰ کا وعدہ سچا ہے لیکن اکثر لوگ ( اس حقیقت کو ) نہیں جانتے ۔

وہی زندگی بخشتا ہے اور وہی مارتا ہے اور اسی کی طرف تم لوٹائے جاؤ گے ۔

اے لوگو ! آ گئی ہے تمہارے پاس نصیحت ۸۱ ف تمہارے پروردگار کی طرف سے اور ( آ گئی ہے ) شفاء ان روگوں کے لیے جو سینوں میں ہیں اور ( آ گئی ہے ) ہدایت اور رحمت اہل ایمان کے لیے ۔

۔( اے حبیب ! ) آپ فرمائیے یہ کتاب محض اللہ تعالیٰ کے فضل اور اس کی رحمت سے نازل ہوئی ہے ۔ ۸۲ ف پس چاہیے کہ اسی پر خوشی منائیں ۸۳ ف یہ بہتر ہے ان تمام چیزوں سے جن کو وہ جمع کرتے ہیں ۔

آپ فرمائیے بھلا بتاؤ تو جو رزق اللہ تعالیٰ نے تمہارے لیے اتارا ۸۵ ف پس بنا لیا تم نے اس سے بعض کو حرام اور بعض کو حلال ۔ پوچھیئے کیا اللہ تعالیٰ نے ( ایسا کرنے کی ) تمہیں اجازت دی ہے یا تم اللہ پر جھوٹ باندھ رہے ہو ۔

اور کیا گمان ہے ان لوگوں کا جو افترا کرتے ہیں اللہ تعالیٰ پر جھوٹا کہ قیامت کے دن ان کا کیا حال ہو گا ۔ بیشک اللہ تعالیٰ فضل و کرم فرماتا ہے لوگوں پر ۸۶ ف لیکن اکثر لوگ شکر ادا نہیں کرتے ۔

اور نہیں ہوتے آپ کسی حال میں ۸۷ ف اور نہ آپ تلاوت کرتے ہیں اس حال میں کچھ قرآن اور ( اے لوگو ! ) نہ تم کچھ عمل کرتے ہو ۸۸ ف مگر ( ہر حال میں ) ہم تم پر گواہ ہوتے ہیں جب بھی تم شروع ہوتے ہو کسی کام میں اور نہیں چھپا ہوتا آپ کے رب سے ذرہ برابر بھی زمین میں اور نہ آسمان میں ۸۹ ف اور نہیں کوئی چھوٹی چیز اس ذرہ سے اور نہ بڑی مگر وہ روشن کتاب ( لوح محفوظ ) میں ہے ۔

سنو ! بیشک اولیاء اللہ کو نہ کوئی خوف ہے اور نہ وہ غمگین ہوں گے ۔ ۹۰ ف

یہ وہ لوگ ہیں جو ایمان لائے اور ( عمر بھر ) پرہیزگاری کرتے رہے ۔

انھیں کے لیے بشارت ہے دنیوی زندگی میں اور آخرت میں ۹۱ ف نہیں بدلتیں اللہ تعالیٰ کی باتیں ۔ ۹۲ ف یہی بڑی کامیابی ہے ۔ ۹۳ ف

اور نہ غمزدہ کریں آپ کو ان کی باتیں ۹۴ ف یقیناً ساری عزت اللہ تعالیٰ کے لیے ہے ۔ وہ سب کچھ سننے والا ہر چیز جاننے والا ہے ۔

خبردار بیشک اللہ کے ملک میں ہے جو کوئی آسمانوں میں ہے اور جو کوئی زمین میں ہے ۹۵ ف اور کس کی پیروی کر رہے ہیں جو لوگ پکار رہے ہیں اللہ تعالیٰ کے سوا ( دوسرے ) شریکوں کو ؟ ۹۶ ف نہیں پیروی کر رہے مگر وہم و گمان کی اور نہیں وہ مگر اٹکلیں دوڑا رہے ہیں ۔ ۹۷ ف

وہی ہے جس نے بنائی تمہارے لیے رات ۹۸ ف تاکہ تم آرام کرو اس میں اور روشن دن بنایا بیشک اس میں نشانیاں ہیں ان لوگوں کے لیے جو ( غور سے ) سنتے ہیں ۔

انھوں نے کہا بنا لیا ہے اللہ تعالیٰ نے کسی کو بیٹا ۔ وہ پاک ہے ۹۹ ف وہ تو بے نیاز ہے ۔ اسی کا ہے جو کچھ آسمانوں میں ہے اور جو کچھ زمین میں ہے ۔ نہیں تمہارے پاس کوئی دلیل اس ( بے ہودہ بات ) کی ۔ کیا بہتان باندھتے ہو اللہ تعالیٰ پر جس کا تمہیں علم ہی نہیں ۔

آپ فرمائیے جو لوگ اللہ تعالیٰ پر جھوٹا بہتان باندھتے ہیں وہ کامیاب نہیں ہو سکتے ۔

۔( چند روزہ ) لطف اندوزی ہے دنیا میں پھر ہماری طرف ہی انھیں لوٹنا ہے پھر ہم چکھائیں گے انھیں سخت عذاب بوجہ اس کے کہ وہ کفر کیا کرتے تھے ۔

اور آپ پڑھ سنائیے انھیں نوح ( علیہ السلام ) کی خبر ۱۰۰ ف جب انھوں نے اپنی قوم سے کہا اے میری قوم ! اگر گراں ہے تم پر میرا قیام ۱۰۱ ف اور میرا پندو نصیحت کرنا اللہ تعالیٰ کی آیتوں سے پس ( سن لو ) میں نے اللہ تعالیٰ پر توکل کر لیا سو تم بھی کوئی متفقہ فیصلہ کر لو اپنے شریکوں سے مل کر ۔ پھر نہ ہو تمہارا یہ فیصلہ تم پر مخفی ، پھر کر گزرو میرے ساتھ ( جو جی میں آئے ) اور مجھے مہلت نہ دو ۔

بانہیمہ اگر تم منہ موڑے رہو تو نہیں طلب کیا میں نے تم سے کچھ اجر ۱۰۲ ف نہیں میرا اجر مگر اللہ کے ذمہ اور مجھے حکم دیا گیا ہے کہ میں ہو جاؤں مسلمانوں سے ۔

تو آپ کی قوم نے آپ کو جھٹلایا ۱۰۳ ف پس ہم نے نجات دی انھیں اور جو ان کے ساتھ کشتی میں تھے اور ہم نے بنا دیا انھیں ان کا جانشین اور ہم نے غرق کر دیا جنھوں نے ہماری آیتوں کو جھٹلایا ۔ ذرا دیکھو کیسا انجام ہوا ان کا جنھیں ڈرایا گیا تھا ۔

پھر ہم نے بھیجے نوح ( علیہ السلام ) کے بعد اور رسول ان کی قوموں کی طرف ۱۰۴ ف پس وہ لائے ان کے پاس روشن دلیلیں تو وہ ایسے نہ تھے کہ ایمان لاتے اس پر جسے وہ جھٹلا چکے تھے پہلے ۔ یونہی ہم مہر لگا دیتے ہیں سرکشوں کے دلوں پر ۔

پھر ہم نے بھیجا ان رسولوں کے بعد موسیٰ اور ہارون ( علیہم السلام ) کو ۱۰۵ ف فرعون اور اس کے درباریوں کی طرف اپنی نشانیوں کے ساتھ ۔ تو فرعونیوں نے غرور و تکبر کیا ۱۰۶ ف اور وہ مجرم لوگ تھے ۔

پھر جب آیا ان کے پاس حق ہماری طرف سے تو انھوں نے کہہ دیا کہ یقیناً یہ کھلا جادو ہے ۔ ۱۰۷ ف

موسیٰ ( علیہ السلام ) نے کہا ( عقل کے اندھو ) کیا تم کہتے ہو ( ایسی بات ) حق کے متعلق جب وہ تمہارے پاس آیا ۱۰۸ ف ( سوچو ) کیا یہ جادو ہے ؟ اور نہیں کامیاب ہوتے جادوگر ۔

کہنے لگے کیا تم اس لیے آئے ہو ہمارے پاس تاکہ ہٹا دو ہمیں اس ( دین سے ) جس پر ہم نے پایا اپنے باپ دادا کو ۱۰۹ ف اور ہو جائے صرف تم دونوں کے لیے بڑائی سر زمین ( مصر ) میں ۔ اور ہم لوگ تو تم کو نہیں مانیں گے ۔ ۱۱۰ ف

اور فرعون نے حکم دیا ( فوراً ) لے آؤ میرے پاس ہر ماہر جادوگر ۔

پھر جب آ گئے جادوگر تو کہا انھیں موسیٰ ( علیہ السلام ) نے ، ڈالو ( میدان میں ) جو تم ڈالنے والے ہو ۔

پھر جب ڈال دیا انھوں نے تو موسیٰ نے فرمایا یہ جو تم لائے ہو یہ جادو ہے ۱۱۱ ف یقیناً اللہ تعالیٰ ملیامیٹ کر دے گا اسے ، بیشک اللہ تعالیٰ نہیں سنوارتا شریروں کے کام کو ۔

اور اللہ تعالیٰ حق کو حق کر دکھاتا ہے اپنے ارشادات سے اور خواہ ناپسند ہی کریں ( اسے ) مجرم ۔ ۱۱۲ ف

پس نہ ایمان لائے موسیٰ پر بجز ان کی قوم کی اولاد کے ۱۱۳ ف ( وہ بھی ) ڈرتے ہوئے فرعون سے اور اپنے سرداروں سے کہ کہیں وہ انھیں بہکا نہ دے ۔ اور واقعی فرعون بڑا سرکش ( بادشاہ ) تھا ملک میں ۱۱۴ ف اور واقعی وہ حد سے بڑھنے والوں میں سے تھا ۔

اور موسیٰ ( علیہ السلام ) نے کہا اے میری قوم ! اگر تم ایمان لائے ہو اللہ تعالیٰ پر تو اسی پر بھروسہ کرو ۱۱۵ ف اگر تم سچے مسلمان ہو ۔

انھوں نے عرض کی اللہ تعالیٰ پر ہی ہم نے بھروسہ کیا ہے ۱۱۶ ف اے ہمارے رب ! نہ بنا ہمیں فتنہ ( کا موجب ) ظالم قوم کے لیے ۔

اور نجات دے ہمیں اپنی رحمت سے کافروں ( کے ظلم و ستم ) سے ۔

اور ہم نے وحی بھیجی موسیٰ اور ان کے بھائی کی طرف کہ مہیا کرو اپنی قوم کے لیے مصر میں چند گھر ۱۱۷ ف اور بناؤ اپنے ان گھروں کو قبلہ رخ اور قائم کرو نماز اور ( اے موسیٰ ! ) خوشخبری دو مومنوں کو ۱۱۸ ف ۔

اور عرض کی موسیٰ نے اے ہمارے پروردگار ! تو نے بخشا ہے ۱۱۹ ف فرعون اور اس کے سرداروں کو سامان آرائش اور مال و دولت دنیوی زندگی میں ، اے ہمارے مولا ! کیا اس لیے کہ وہ گمراہ کرتے پھریں ( لوگوں کو ) تیری راہ سے ۔ اے ہمارے رب ! برباد کر دے ان کے مالوں کو اور سخت کر دے ان کے دلوں کو تاکہ وہ نہ ایمان لے آئیں جب تک نہ دیکھ لیں دردناک عذاب کو ۔

اللہ تعالیٰ نے فرمایا قبول کر لی گئی تمہاری دعا ۱۲۰ ف پس تم ثابت قدم رہو اور ہرگز نہ چلنا اس طریقہ پر جو جاہلوں کا ( طریقہ ) ہے ۔

اور ہم پار لے گئے بنی اسرائیل کو سمندر سے ۱۲۱ ف پھر پیچھا کیا ان کا فرعون اور اس کے لشکر نے سرکشی اور ظلم کرتے ہوئے حتی کہ جب وہ ڈوبنے لگا تو ( بصد یاس ) کہنے لگا ۱۲۲ ف میں ایمان لایا کہ کوئی سچا خدا نہیں بجز اس کے جس پر ایمان لائے تھے بنی اسرائیل اور ( میں اعلان کرتا ہوں کہ ) میں مسلمانوں میں سے ہوں ۔

کیا اب ؟ ۱۲۳ ف اور تو نافرمانی کرتا رہا اس سے پہلے اور تو فتنہ و فساد برپا کرنے والوں سے تھا ۔

سو آج ہم ۱۲۴ ف بچا لیں گے تیرے جسم کو ( سمندر کی تند موجوں سے ) تاکہ تو ہو جائے اپنے پچھلوں کے لیے ( عبرت کی ) نشانی ۔ اور حقیقت یہ ہے کہ اکثر لوگ ہماری نشانیوں سے غفلت برتنے والے ہیں ۔ ۱۲۵ ف

اور ہم نے عطا فرمایا بنی اسرائیل کو بہترین ٹھکانا ۱۲۶ ف اور ہم نے انھیں پاکیزہ رزق بخشا پس انھوں نے اختلاف نہ کیا حتی کہ آ گیا ان کے پاس حقیقت کا علم ۔ ( اے حبیب ! ) بیشک آپ کا رب فیصلہ فرمائے گا ان کے درمیان روز قیامت ، جن باتوں میں وہ جھگڑا کیا کرتے تھے ۔

اور ( اے سننے والے ! ) اگر تجھے کچھ شک ہو اس میں جو ہم نے ( اپنے نبی کے ذریعہ ) تیری طرف اتارا تو دریافت کر ان لوگوں سے جو پڑھتے ہیں کتاب تجھ سے پہلے ۔ بیشک آیا ہے تیرے پاس حق تیرے رب کی طرف سے ، پس ہرگز نہ ہو جانا شک کرنے والوں سے ۔

اور ہرگز نہ ہونا ان لوگوں سے جنھوں نے جھٹلایا اللہ تعالیٰ کی آیتوں کو ۱۲۷ ف ورنہ تو ہو جائے گا نقصان اٹھانے والوں سے ۔

بیشک وہ لوگ ثابت ہو چکی ہے جن پر آپ کے رب کی بات ، وہ ایمان نہیں لائیں گے ۔ ۱۲۸ ف

اگرچہ آ جائیں ان کے پاس ساری نشانیاں جب تک کہ وہ نہ دیکھ لیں دردناک عذاب ۔ ۱۲۹ ف

پس کیوں ایسا نہ ہوا کہ ۱۳۰ ف کوئی بستی ایمان لاتی تو نفع دیتا اسے اس کا ایمان ( کسی سے ایسا نہ ہوا ) بجز قوم یونس کے ، جب وہ ایمان لے آئے تو ہم نے دور کر دیا ان سے رسوائی کا عذاب دنیوی زندگی میں اور ہم نے لطف اندوز ہونے دیا انھیں ایک مدت تک ۔

اور اگر چاہتا آپ کا رب تو ایمان لے آتے جتنے لوگ زمین میں ہیں سب کے سب ۱۳۱ ف کیا آپ مجبور کرنا چاہتے ہیں لوگوں کو یہاں تک کہ وہ مومن بن جائیں ۔

اور کوئی بھی ایسا شخص نہیں کہ وہ ایمان لا سکے بغیر حکم الٰہی کے ۔ ۱۳۲ ف اور ( سنت الٰہی یہ ہے کہ ) وہ ڈالتا ہے ( گمراہی کی ) آلودگی ان لوگوں پر جو بے سمجھ ہیں ۔

فرمائیے غور سے دیکھو ! کیا کیا ( عجائبات ) ہیں آسمانوں اور زمین میں ۱۳۳ ف اور فائدہ نہیں پہنچاتیں آیتیں اور ڈرانے والے اس قوم کو جو ایمان نہیں لانا چاہتے ۔ ۱۳۴ ف