Surah Al-Kaahaf

سب تعریفیں اللہ تعالیٰ کے لیے ہیں جس نے نازل فرمائی اپنے ( محبوب ) بندے پر یہ کتاب ۱ ف اور نہیں پیدا ہونے دی ۲ ف اس میں ذرا کجی ۔

۔( اور معاش و معاد کو ) درست کرنے والی ہے ۳ ف تاکہ ڈرائے سخت گرفت سے جو اللہ تعالیٰ کی طرف سے ہوتی ہے ۴ ف اور یہ مژدہ سنائے ان اہل ایمان کو جو کرتے ہیں نیک اعمال کہ بیشک ان کے لیے بہت عمدہ جزاء ہے ۔

وہ ٹھیریں گے اس ( جنت ) میں تا ابد ۵ ف ۔

اور تاکہ ڈرائے ان ( نادانوں ) کو جو یہ کہتے ہیں کہ بنا لیا ہے اللہ تعالیٰ نے ( فلاں کو اپنا ) بیٹا ۶ ف ۔

نہ انھیں اللہ تعالیٰ ( کی ذات و صفات ) کا کچھ علم ہے اور نہ ان کے باپ دادا کو ، کتنی بڑی ہے وہ بات جو نکلتی ہے ان کے مونہوں سے ۷ ف وہ نہیں کہتے ہیں مگر ( سر تا سر ) جھوٹ ۔

تو کیا آپ ( فرط غم سے ) تلف کر دیں گے اپنی جان کو ان کے پیچھے اگر وہ ایمان نہ لائے اس قرآن کریم پر افسوس کرتے ہوئے ۸ ف ۔

بیشک ہم نے بنایا ان چیزوں کو جو زمین پر ہیں اس کے لیے باعث زینت و آرائش تاکہ ہم انھیں آزمائیں کہ ان میں سے کون عمل کے لحاظ سے بہتر ہے ۹ ف ۔

اور ہم ہی بنانے والے ہیں ان چیزوں کو جو زمین پر ہیں ( ویران کر کے ) چٹیل میدان ، غیر آباد ۱۰ ف ۔

کیا آپ خیال کرتے ہیں کہ غار والے ۱۱ ف اور رقیم والے ۱۲ ف ہماری ان نشانیوں میں سے ہیں جو تعجب خیز ہیں ۔

۔( یاد کرو ) جب پناہ لی ان جوانوں نے غار میں پھر انھوں نے دعا مانگی اے ہمارے رب ! ہمیں مرحمت فرما اپنی جناب سے رحمت اور مہیا فرما ہمارے لیے اس کام میں ہدایت ۱۳ ف ۔

پس ہم نے بند کر دئیے ان کے کان ( سننے سے ) اس غار میں کئی سال تک جو گنے ہوئے تھے ۱۴ ف ۔

پھر ہم نے انھیں بیدار کر دیا تاکہ ہم دیکھیں کہ ان دو گروہوں میں سے کون صحیح شمار کر سکتا ہے اس مدت کا جو وہ ( غار ) میں ٹھہرے تھے ۱۵ ف ۔

۔( اے حبیب ! ) ہم بیان کرتے ہیں آپ سے ان کی خبر ٹھیک ٹھیک ۱۶ ف بیشک وہ چند نوجوان تھے جو اپنے رب پر ایمان لائے اور ہم نے ان کے ( نور ) ہدایت میں اضافہ کر دیا ۱۶ ف ۔

اور ہم نے مضبوط کر دیا ان کے دلوں کو جب وہ راہ حق میں کھڑے ہو گئے ۱۸ ف تو انھوں نے ( برملا ) کہہ دیا ہمارا پروردگار وہ ہے جو پروردگار ہے آسمانوں اور زمین کا ۱۹ ف ہم ہرگز نہیں پکاریں گے اس کے سوا کسی معبود کو ( اگر ہم ایسا کریں ) تو گویا ہم نے ایسی بات کہی جو حق سے دور ہے ۲۰ ف ۔

یہ ہماری قوم ہے جنھوں نے بنا لیا ہے اس کے سوا غیروں کو ( اپنے ) خدا ۔ کیوں نہیں پیش کرتے ان ( کی خدائی ) پر کوئی ایسی دلیل جو روشن ہو ورنہ پھر اس سے بڑا ظالم کون ہے جو اللہ تعالیٰ پر جھوٹا بہتان باندھتا ہے ۔

اور جب تم الگ ہو گئے ہو ان ( کفار ) سے اور ان معبودوں سے جن کی یہ پوجا کرتے ہیں اللہ تعالیٰ کے سوا ۔ تو اب پناہ لو غار میں پھیلا دے گا تمہارے لیے تمہارا رب اپنی رحمت ( کا دامن ) اور مہیا کر دے گا تمہارے لیے تمہارے اس کام میں آسانیاں ۲۱ ف ۔

اور تو دیکھے گا سورج کو جب وہ ابھرتا ہے تو وہ ہٹ کر گزرتا ہے ان کی غار سے دائیں جانب ۲۲ ف اور جب وہ ڈوبتا ہے تو بائیں طرف کتراتا ہوا ڈوبتا ہے اور وہ ( سو رہے ) ہیں ایک کشادہ جگہ غار میں ۔ ( سورج ) کا یوں ( طلوع و غروب ) اللہ تعالیٰ کی نشانیوں میں سے ہے ( حقیقت یہ ہے ) کہ جسے اللہ تعالیٰ ہدایت دے وہی ہدایت یافتہ ہے اور جسے وہ گمراہ کر دے تو تو نہیں پائیگا اس کے لیے کوئی مددگار ( اور ) رہنما ۔

اور ( اگر تو دیکھے تو ) تو انھیں بیدار خیال کرے گا حالانکہ وہ سو رہے ہیں ۲۳ ف اور ہم ان کی کروٹ بدلتے رہتے ہیں ( کبھی ) دائیں جانب اور ( کبھی ) بائیں جانب اور ان کا کتا پھیلائے بیٹھا ہے اپنے دونوں بازو ان کی دہلیز پر ۲۴ ف اگر تو جھانک کر انھیں دیکھے تو ان سے منہ پھیر کر بھاگ کھڑا ہو ۲۵ ف اور تو بھر جائے ان کے ( منظر ) کو دیکھ کر ہیبت سے ۔

اور اسی طرح ہم نے انھیں بیدار کر دیا ۲۶ ف تاکہ وہ ایک دوسرے سے آپس میں پوچھیں ۔ کہنے لگا ایک کہنے والا ان سے کہ تم یہاں کتنی مدت ٹھہرے ہو ؟ ۲۷ ف بعض نے کہا ہم ٹھہرے ہوں گے ایک دن یا دن کا کچھ حصہ ۔ دوسروں نے کہا تمہارا رب بہتر جانتا ہے جتنی مدت تم ٹھہرے ہو ۔ ۲۸ ف پس بھیجو کسی کو اپنے ساتھیوں سے اپنے ایک سکہ کے ساتھ شہر کی طرف ۲۹ ف پس وہ دیکھے کہ کس کے ہاں عمدہ پاکیزہ کھانا ملتا ہے پس وہ لے آئے تمہارے پاس کھانا وہاں سے ۔ اسے چاہیے کہ خوش خلقی سے کام لے ۳۰ ف اور کسی کو تمہاری خبر نہ ہونے دے ۔

وہ لوگ اگر آگاہ ہو گئے تم پر تو وہ تمہیں پتھر مار مار کر ہلاک کر دیں گے ۳۱ ف یا تمہیں ( جبراً ) لوٹا دیں گے اپنے ( جھوٹے ) مذہب میں اور ( اگر تم نے ایسا کیا ) تو تم کبھی بھی فلاح نہیں پا سکو گے ۳۲ ف ۔

اور بستی والوں کو ہم نے اچانگ آگاہ کر دیا ان ( اصحاب کہف ) پر تاکہ وہ جان لیں کہ بلاشبہ اللہ تعالیٰ کا وعدہ سچا ہے اور بلاشبہ قیامت کے آنے میں کوئی شبہ نہیں ۔ جب وہ بستی والے جھگڑ رہے تھے آپس میں ان کے معاملہ میں تو بعض نے کہا کہ ( بطور یادگار ) تعمیر کرو ان کے غار پر کوئی عمارت ان کا رب ان کے احوال سے خوب واقف ہے ، کہنے لگے وہ لوگ جو غالب تھے اپنے کام پر کہ بخدا ہم تو ضرور ان پر ایک مسجد بنائیں گے ۔

کچھ کہیں گے کہ اصحاب کہف تین تھے چوتھا ان کا کتا تھا ۳۵ ف کچھ کہیں گے وہ پانچ تھے چھٹا ان کا کتا تھا یہ سب تخمینے ہیں بن دیکھے ۔ اور کچھ کہیں گے وہ سات تھے اور آٹھواں ان کا کتا تھا ۳۶ ف آپ فرمائیے ( اس بحث کو رہنے دو ) میرا رب بہتر جانتا ہے ان کی تعداد کو ( اور ) نہیں جانتے ان ( کی صحیح تعداد ) کو مگر چند آدمی ۔ ۳۷ ف سو بحث نہ کرو ان کے بارے میں بجز اس کے کہ سرسری سی گفتگو ہو جائے ۳۸ ف اور نہ دریافت کرو ان کے متعلق ( اہل کتاب ) میں سے کسی اور سے ۔

ہرگز نہ کہنا کسی چیز کے متعلق کہ میں اسے کرنے والا ہوں کل ۔

مگر ( یہ کہ ساتھ یہ بھی کہو ) اگر چاہا اللہ تعالیٰ نے ۳۹ ف اور یاد کر اپنے رب کو جب تو بھول جائے ۴۰ ف ( یہ بھی ) کہو کہ مجھے امید ہے کہ دکھا دے گا مجھے میرا رب اس سے بھی قریب تر ہدایت کی راہ ۴۱ ف ۔

اور ( اہل کتاب کہتے ہیں کہ ) وہ ٹھیرے رہے اپنے غار میں تین سو سال اور زیادہ کیے انھوں نے ( اس پر ) نو سال ۴۲ ف ۔

آپ فرمائیے اللہ تعالیٰ بہتر جانتا ہے جتنی مدت وہ ٹھیرے اسی کے لیے ( علم ) غیب ہے آسمانوں اور زمین کا ۔ وہ بڑا دیکھنے والا ہے اور سب باتیں سننے والا ہے ۴۳ ف نہیں ان کا اس کے سوا کوئی دوست اور وہ نہیں شریک کرتا اپنے حکم میں کسی کو ۴۴ ف ۔

اور پڑھ سنائیے ( انھیں ) جو وحی کیا جاتا ہے آپ کی طرف آپ کے رب کی کتاب سے ۔ کوئی بدلنے والا نہیں اس کے ارشادات کا ۔ اور نہیں پائیں گے آپ اس کے سوا کوئی پناہ گاہ ۴۵ ف ۔

اور روکے رکھئے اپنے آپ کو ان لوگوں کے ساتھ جو پکارتے ہیں اپنے رب کو صبح و شام طلب گار ہیں اس کی رضا کے ۴۶ ف اور نہ ہٹیں آپ کی نگاہیں ان سے ، کیا آپ چاہتے ہیں دنیوی زندگی کی زینت ۴۷ ف اور نہ پیروی کیجیے ۴۸ ف اس ( بدنصیب ) کی ، غافل کر دیا ہے ہم نے جس کے دل کو اپنی یاد سے اور وہ اتباع کرتا ہے اپنی خواہش کا اور اس کا معاملہ حد سے گزر گیا ہے ۴۹ ف ۔

اور فرمائیے حق تمہارے رب کی طرف سے ہے ۵۰ ف پس جس کا جی چاہے وہ ایمان لے آئے اور جس کا جی چاہے کفر کرتا رہے ۔ بیشک ہم نے تیار کر رکھی ہے ظالموں کے لیے آگ ۵۱ ف گھیر لیا ہے انھیں اس آگ کی دیوار نے ۔ اور اگر وہ فریاد کریں گے تو ان کی فریاد رسی کی جائے گی ایسے پانی کے ساتھ جو پیپ کی طرح ( غلیظ ) ہے ( اور اتنا گرم کہ ) بھون ڈالتا ہے چہروں کو یہ مشروب بڑا ناگوار ہے اور یہ قرارگاہ بڑی تکلیف دہ ہے ۔

بیشک وہ لوگ جو ایمان لائے اور انھوں نے نیک عمل کیے ( تو ہمارا یہ دستور ہے کہ ) ہم ضائع نہیں کرتے کسی کا اجر جو عمدہ اور ( مفید ) کام کرتا ہے ۵۲ ف ۔

یہی وہ خوش نصیب ہیں جنکے لیے ہمیشگی کے جنت ہیں ۵۳ ف رواں ہیں جن کے نیچے ندیاں ، انھیں پہنائے جائیں گے ان جنتوں میں کنگن سونے کے اور پہنیں گے سبز رنگ کا لباس جو باریک ریشمی کپڑے اور موٹے ریشمی کپڑے کا بنا ہوا ہو گا ۔ تکیہ لگائے بیٹھے ہوں گے وہاں مرصع پلنگوں پر ۔ کتنا اچھا ہے یہ اجر اور کتنی عمدہ ہے یہ آرام گاہ ۔

اور بیان فرمائیے ان کے لیے مثال ۵۴ ف دو آدمیوں کی ، ہم نے دیے تھے ان دونوں میں سے ایک کو دو باغ انگوروں کے اور ہم نے باڑ بنا دی ان دونوں کے اردگرد کھجور ( کے درختوں ) کی اور اگا دی ان دونوں کے درمیان کھیتی ۔

یہ دونوں باغ اپنے اپنے پھل لائے اور نہ کم ہوئی ان سے کوئی چیز اور ہم نے جاری کر دیں ان کے درمیان نہریں ۔

اور ( باغوں کے علاوہ ) اور بھی اس کے اموال تھے ۵۵ ف تو ( ایک روز ) اس نے اپنے ساتھی سے بحث مباحثہ کے دوران کہا کہ میں دولت کہ لحاظ سے بھی تم سے زیادہ ہوں ۵۶ ف اور نفری کے لحاظ سے بھی تم سے طاقتور ہوں ۔

اور ( ایک دن ) وہ اپنے باغ میں گیا درآنحالیکہ وہ اپنی جان پر ظلم کرنے والا تھا ، کہنے لگا میں نہیں خیال کرتا کہ ( یہ سر سبز و شاداب ) باغ کبھی برباد ہو گا ۵۷ ف ۔

اور میں یہ خیال بھی نہیں کرتا کہ کبھی قیامت بھی برپا ہو گی اور بفرض محال اگر مجھے لوٹایا گیا اپنے رب کی طرف تو یقیناً میں ۵۸ ف پاؤنگا اس ( نزہتگاہ ) سے بہتر پلٹنے کی جگہ ۔

اس کے ساتھی نے اسے بحث و مباحثہ کے درمیان کہا کیا تو انکار کرتا ہے اس ذات کا جس نے تجھے پیدا فرمایا مٹی سے پھر نطفہ سے پھر بنا سنوار کر تجھے مرد بنایا ۔

لیکن میں ، ( تو ) وہ اللہ ہی میرا رب ہے اور میں شریک نہیں ٹھیراتا اپنے رب کے ساتھ کسی کو ۵۹ ف ۔

اور کیوں ایسا نہ ہوا کہ جب تو باغ میں داخل ہوا تو تو کہتا ماشاء اللہ لا قوۃ الا باللہ ۶۰ ف ( وہی ہوتا ہے جو اللہ تعالیٰ چاہتا ہے اور اللہ تعالیٰ کی مدد کے بغیر کسی میں کوئی طاقت نہیں ) اگر تو نے مجھے دیکھا کہ میں کم ہوں ۶۱ ف تجھ سے مال اور اولاد میں ۔

پس عجب نہیں کہ میرا رب مجھے عطا فرما دے کوئی بہتر چیز ۶۲ ف تیرے ( اس ) باغ سے اور اتارے اس باغ پر کوئی آسمانی عذاب ۶۳ ف تو ہو جائے یہ ( سر سبز ) باغ ایک چٹیل میدان ۔

یا یوں جذب ہو جائے اس کا پانی زمین کی گہرائی میں کہ پھر تو اس کو تلاش کے باوجود نہ پا سکے ۶۴ ف ۔

اور اس کے ( باغ ) کا پھل برباد ہو گیا ۶۵ ف پس وہ کف افسوس ملنے لگا اس مال کے نقصان پر جو اس نے باغ پر خرچ کیا تھا اور ( اب ) وہ گرا پڑا تھا اپنے چھپروں پر اور ( بصد حسرت ) کہنے لگا کاش ! میں نے کسی کو اپنے رب کا شریک نہ بنایا ہوتا ۔

اور نہ رہی تھی اس کے پاس کوئی جماعت جو اس کی مدد کرتی اللہ تعالیٰ کے مقابلہ میں اور نہ وہ بدلہ لینے کے قابل تھا ۶۶ ف ۔

یہاں سے ثابت ہو گیا کہ سارا اختیار اللہ سچے کے لیے ہے ۔ وہی بہتر ثواب دینے والا ہے اور اس کے ہاتھ میں بہتر انجام ہے ۶۷ ف ۔

بیان فرمائیے ان سے دنیوی زندگی کی ( ایک اور ) مثال ۶۸ ف یہ پانی کی طرح ہے جسے ہم نے اتارا ہے آسمان سے پس گنجان ہو کر اگتی ہیں اس پانی سے زمین کی انگوریاں پھر کچھ عرصہ کے بعد وہ خشک بوسیدہ گھاس ہو جاتی ہے اڑائے پھرتی ہے اسے ہوائیں ۔ اور اللہ تعالیٰ پر چیز پر پوری قدرت رکھنے والا ہے ۔

مال اور فرزند ( تو صرف ) دنیوی زندگی کی زیب و زینت ہیں ۶۹ ف اور ( در حقیقت ) باقی رہنے والی نیکیاں بہتر ہیں تیرے رب کے ہاں ثواب کے اعتبار سے ۷۰ ف اور بہتر ہے جن سے امید وابستہ کی جاتی ہے ۔

اور ( غور کرو ) جس روز ہم ہٹا دیں گے پہاڑوں کو ( انکی جگہ سے ) اور تم دیکھو گے زمین کو کہ کھلا میدان ہے ، اور ہم جمع کریں گے انھیں پس نہیں پیچھے رہنے دیں گے ان میں سے کسی کو ۷۱ ف ۔

اور وہ پیش کیے جائیں گے آپ کے رب کی بارگاہ میں صفیں باندھے ہوئے ۷۲ ف ( پھر ہم انھیں کہیں گے کہ ) آج تم آ گئے ہو ہمارے پاس جیسے ہم نے پیدا کیا تھا تمہیں پہلی بار ، ہاں تم تو یہ خیال کیے ہوئے تھے کہ ہم نہیں مقرر کریں گے تمہارے لیے وعدہ کا وقت ۔

اور رکھ دیا جائے گا ( انکے سامنے ) نامہ عمل ۷۳ ف پس تو دیکھے گا مجرموں کو کہ وہ ڈر رہے ہوں گے اس سے جو اس میں ہے وہ کہیں گے صد حیف ! اس نوشتہ کو کیا ہو گیا ہے کہ نہیں چھوڑا اس نے کسی چھوٹے گناہ کو اور نہ کسی بڑے گناہ کو مگر اس نے اس کا شمار کر لیا ہے اور ( اُس دن ) وہ پا لیں گے جو عمل انھوں نے کیے تھے اپنے سامنے ۔ اور آپکا رب تو ( اے حبیب ! ) کسی پر زیادتی نہیں کرتا ۔

اور یاد کرو جب ہم نے حکم دیا فرشتوں کو کہ سجدہ کرو آدم کو ۷۴ ف پس سب نے سجدہ کیا سوائے ابلیس کے ۔ وہ قوم جِنّ سے تھا ۷۵ ف سو اس نے نافرمانی کی اپنے رب کے حکم کی ( اے اولاد آدم ! ) کیا تم بناتے ہو اسے اور اس کی ذریت کو اپنا دوست مجھے چھوڑ کر حالانکہ وہ سب تمہارے دشمن ہیں ۷۶ ف ظالموں کے لیے بہت برا بدلہ ہے ۔

میں نے ان سے مدد نہیں لی تھی جب آسمانوں اور زمین کو پیدا کیا ۷۷ ف اور نہ ( اس وقت ان سے مدد لی ) جب خود انھیں پیدا کیا اور میں نہیں بنایا کرتا گمراہ کرنے والوں کو اپنا دست و بازو ۔

اور اس روز اللہ تعالیٰ ( کفار کو ) فرمائے گا ۷۸ ف بلاؤ میرے شریکوں کو جنھیں تم ( میرا شریک ) خیال کیا کرتے تھے تو وہ انھیں پکاریں گے پس وہ انھیں کوئی جواب نہیں دیں گے ۔ اور ہم حائل کر دیں گے ان کے درمیان ایک آڑ ۔

اور دیکھیں گے مجرم ( جہنم کی ) آگ کو اور وہ خیال کریں گے کہ وہ اس میں گرنے والے ہیں اور نہ پائیں گے اس سے نجات پانے کی کوئی جگہ ۔

اور بیشک ہم نے طرح طرح سے بار بار بیان کی ہیں اس قرآن میں لوگوں کے لیے ہر قسم کی مثالیں اور انسان ہر چیز سے بڑھ کر جھگڑالو ہے ۷۹ ف ۔

اور کس چیز نے روکا ہے لوگوں کو اس بات سے کہ وہ ایمان لے آئیں ۸۰ ف جب آ گئی ان کے پاس ہدایت ( کی روشنی ) اور مغفرت طلب کریں اپنے رب سے مگر یہ ( کہ وہ منتظر ہیں ) کہ آئے ان کے پاس اگلوں کا دستور یا آئے ان کے پاس طرح طرح کا عذاب ۔

اور ہم نہیں بھیجتے رسولوں کو مگر مژدہ سنانے والے اور ڈرانے والے اور جھگڑتے ہیں کافر ۸۱ ف بے سر و پا دلیلوں کی آڑ لے کر تاکہ وہ مٹا دیں اس سے حق کو ۸۲ ف اور بنا لیا ہے انھوں نے میری آیتوں کو اور جن سے وہ ڈرائے گئے ایک مذاق ۔

اور اس شخص سے بڑھ کر ظالم کون ہے جسے نصیحت کی گئی اس کے رب کی آیتوں سے پس اس نے روگردانی کر لی ان سے اور فراموش کر دیا اس نے ان ( اعمال بد کو ) جو آگے بھیجے تھے اس کے دونوں ہاتھوں نے ۔ ہم نے ڈال دئیے ان کے دلوں پر پردے تاکہ وہ قرآن کو نہ سمجھ سکیں اور ان کے کانوں میں گرانی پیدا کر دی اور اگر تم بلاؤ انھیں ہدایت کی طرف تو جب بھی وہ ہدایت قبول نہیں کریں گے ۔

اور آپ کا پروردگار تو بہت بخشنے والا بڑا ہی رحمت والا ہے ۸۳ ف اگر وہ پکڑ لیتا انھیں ان کے کیے پر تو جلد ان پر عذاب بھیجتا ( وہ ایسا نہیں کرتا ) بلکہ ان کو سزا دینے کا ایک وقت مقرر ہے ، نہیں پائینگے اس وقت اس کے بغیر کوئی پناہ کی جگہ ۔

اور یہ بستیاں ہیں ہم نے تباہ کر دیا ان کے باشندوں کو جب وہ ستم شعار بن گئے اور ہم نے مقرر کر دی تھی ان کی ہلاکت کے لیے ایک میعاد ۔

اور یاد کرو جب کہا موسیٰ نے اپنے ( نوجوان ) ساتھی کو کہ میں چلتا رہونگا یہاں تک کہ پہنچوں جہاں دو دریا ملتے ہیں یا ( چلتے چلتے ) گزار دونگا مدت دراز ۸۴ ف ۔

پھر جب وہ دونوں پہنچے جہاں آپس میں دو دریا ملتے ہیں ۸۵ ف دونوں بھول گئے اپنی مچھلی کو تو بنا لیا اس نے اپنا راستہ دریا میں سرنگ کی طرح ۔

پس جب وہاں سے آگے بڑھ گئے ۸۶ ف آپ نے اپنے جوان ساتھی سے کہا لے آؤ ہمارا صبح کا کھانا ، بیشک ہمیں برداشت کرنی پڑی ہے اپنے اس سفر میں بڑی مشقت ۔

اس ساتھی نے کہا ( اے کلیم ! ) آپ نے ملاحظہ فرمایا ۸۷ ف جب ہم ( سستانے کے لیے ) اس چٹان کے پاس ٹھیرے تھے تو میں بھول گیا مچھلی کو اور نہیں فراموش کرائی مجھے وہ مچھلی مگر شیطان نے کہ میں اس کا ذکر کروں اور اس نے بنا لیا تھا اپنا راستہ دریا میں ۔ بڑے تعجب کی بات ہے ۔

آپ نے فرمایا یہی تو وہ ہے جس کی ہم جستجو کر رہے تھے ۸۸ ف پس وہ دونوں لوٹے اپنے قدموں کے نشان دیکھتے ہوئے ۔

تو پایا انھوں نے ایک بندے کو ۸۹ ف ہمارے بندوں میں سے جسے ہم نے عطا فرمائی تھی رحمت اپنی جناب سے ۹۰ ف اور ہم نے سکھایا تھا اسے اپنے پاس سے ( خاص ) علم ۹۱ ف ۔

کہا اس بندے کو موسیٰ ( علیہ السلام ) نے کیا میں آپ کے ساتھ رہ سکتا ہوں بشرطیکہ آپ سکھائیں مجھے رشد و ہدایت کا خصوصی علم جو آپ کو سکھایا گیا ہے ۹۲ ف ۔

اس بندے نے کہا ( اے موسیٰ ! ) آپ میرے ساتھ صبر کرنے کی طاقت نہیں رکھتے ۹۳ ف ۔

اور آپ صبر کر بھی کیسے سکتے ہیں اس بات پر جس کی آپ کو پوری طرح خبر نہیں ۔

آپ نے کہا آپ مجھے پائیں گے اگر اللہ تعالیٰ نے چاہا صبر کرنے والا اور میں نافرمانی نہیں کرونگا آپ کے کسی حکم کی ۔

اس بندے نے کہا اگر آپ میرے ساتھ رہنا چاہتے ہیں تو مجھ سے کسی چیز کے بارے میں پوچھیے نہیں یہاں تک کہ میں آپ سے اس کا خود ذکر کروں ۹۴ ف ۔

پس وہ دونوں چل پڑے یہاں تک کہ جب وہ سوار ہوئے کشتی میں تو اس بندے نے اس میں شگاف کر دیا ۹۵ ف موسیٰ ( علیہ السلام ) بول اٹھے کیا تم نے اس لیے شگاف کیا ہے کہ اس کی سواریوں کو ڈبو دو ۔ یقیناً تم نے بہت برا کام کیا ہے ۔

اس بندے نے کہا کیا میں نے نہیں کہا تھا کہ آپ میں یہ طاقت نہیں کہ میری سنگت پر صبر کر سکیں ۔

آپ نے ( عذر خواہی کرتے ہوئے ) کہا کہ نہ گرفت کرو مجھ پر میری بھول کی وجہ سے اور نہ سختی کرو مجھ پر میرے اس معاملہ میں بہت زیادہ ۹۶ ف ۔

پھر وہ دونوں چل پڑے حتیٰ کہ جب وہ ملے ایک لڑکے کو تو اس نے اسے قتل کر ڈالا ۹۷ ف موسیٰ ( علیہ السلام ) ( غضب ناک ہو کر ) کہنے لگے کیا مار ڈالا آپ نے ایک معصوم جان کو کسی نفس کے بدلہ کے بغیر ۔ بیشک آپ نے ایسا کام کیا ہے جو بہت ہی نازیبا ہے ۔

اس نے کہا کیا ( پہلے ہی ) میں نے کہہ نہ دیا تھا آپ کو کہ آپ میری معیت میں صبر نہیں کر سکیں گے ۹۸ ف ۔

آپ نے کہا اگر میں پوچھوں آپ سے کسی چیز کے بارے میں اس کے بعد تو آپ مجھے اپنے ساتھ نہ رکھیں ۔ آپ میری طرف سے معذور ہوں گے ۹۹ ف ۔

پھر وہ چل پڑے ۱۰۰ ف یہاں تک کہ جب ان کا گزر ہوا گاؤں والوں کے پاس تو انھوں نے ان سے کھانا طلب کیا تو انھوں نے ( صاف ) انکار کر دیا ان کی میزبانی کرنے سے پھر ان دونوں نے اس گاؤں میں ایک دیوار دیکھی جو گرنے کے قریب تھی تو اس بندے نے اسے درست کر دیا ۔ موسیٰ کہنے لگے اگر آپ چاہتے تو اس محنت پر مزدوری ہی لے لیتے ۔

اس نے کہا ( بس سنگت ختم ) اب میرے اور آپ کے درمیان جدائی کا وقت آ گیا ۱۰۱ ف میں آگاہ کرتا ہوں آپ کو ان باتوں کی حقیقت پر جن کے متعلق آپ صبر نہ کر سکے ۔

وہ جو کشتی تھی وہ چند غریبوں کی تھی جو ( ملاحی کا ) کام کرتے تھے دریا میں ۔ سو میں نے ارادہ کیا کہ اسے عیب دار بنا دوں اور ( اسکی وجہ یہ تھی کہ ) ان کے آگے ( جابر ) بادشاہ تھا جو پکڑ لیا کرتا تھا ہر کشتی کو زبردستی سے ۔

اور وہ جو لڑکا تھا تو ( اس کی حقیقت یہ ہے کہ ) اس کے والدین مومن تھے ۔ پس ہمیں اندیشہ ہوا کہ وہ ( اگر زندہ رہا تو ) مجبور کر دے گا انھیں سرکشی اور کفر پر ۔

پس ہم نے چاہا کہ بدلہ دے انھیں ان کا رب ( ایسا بیٹا ) جو بہتر ہو اس سے پاکیزگی میں اور ( ان پر ) زیادہ مہربان ہو ۱۰۲ ف ۔

باقی رہی دیوار ( تو اس کی حقیقت یہ ہے کہ ) وہ شہر کے دو یتیم بچوں کی تھی اور اس کے نیچے ان کا خزانہ ( دفن ) تھا اور ان کا باپ بڑا نیک شخص تھا ۱۰۳ ف پس آپ کے رب نے ارادہ فرمایا کہ وہ دونوں بچے اپنی جوانی کو پہنچیں اور نکال لیں اپنا دفینہ ۱۰۴ ف یہ ( ان پر ) ان کے رب کی خاص رحمت تھی اور ( جو کچھ میں نے کیا ) میں نے اپنی مرضی سے نہیں کیا ، یہ حقیقت ہے ان امور کی جن پر آپ سے صبر نہ ہو سکا ۔

اور وہ دریافت کرتے ہیں آپ سے ذی القرنین کے متعلق ۱۰۵ ف فرمائیے میں ابھی بیان کرتا ہوں تمہارے سامنے اس کا حال ۔

ہم نے اقتدار بخشا تھا اسے زمین میں ۱۰۶ ف اور ہم نے دیا تھا اسے ہر چیز ( تک رسائی حاصل کرنے ) کا ساز و سامان ۔

پس وہ روانہ ہوا ایک راہ پر ۱۰۷ ف ۔

یہاں تک کہ جب وہ غروب آفتاب کی جگہ پہنچا تو اس نے اسے یوں پایا گویا وہ ڈوب رہا ہے ایک سیاہ کیچڑ کے چشمہ میں اور اس نے وہاں ایک قوم پائی ۔ ہم نے کہا اے ذوالقرنین ! ( تمھیں اختیار ہے ) خواہ تم انھیں سزا دو خواہ ان کے ساتھ اچھا سلوک کرو ۱۰۸ ف ۔

ذوالقرنین نے کہا جس نے ظلم ( کفر و فسق ) کیا تو ہم ضرور اسے سزا دیں گے پھر اسے لوٹا دیا جائے گا اس کے رب کی طرف تو وہ اسے عذاب دے گا بڑا ہی سخت عذاب ۔

اور جو شخص ایمان لایا اور اچھے عمل کیے تو اس کے لیے اچھا معاوضہ ہے ۱۰۹ ف اور ہم اسے حکم دیں گے ایسے احکام بجا لانے کا جو آسان ہوں گے ۔

پھر وہ روانہ ہوا دوسرے راستہ پر ۱۱۰ ف ۔

یہاں تک کہ جب وہ پہنچا طلوع آفتاب کے مقام پر تو اس نے پایا سورج کو کہ وہ طلوع ہو رہا ہے ایسی قوم پر کہ نہیں بنائی ہم نے ان کے لیے سورج ( کی گرمی ) سے بچنے کی آڑ ۱۱۱ ف ۔

بات یونہی ہے اور ہم نے احاطہ کر رکھا ہے ہر اس چیز کا جو اس کے پاس تھی اپنے علم سے ۔

پھر وہ روانہ ہوا ایک اور راہ پر ۱۱۲ ف ۔

یہاں تک کہ جب وہ پہنچا دو پہاڑوں کے درمیان تو پایا اس نے ان پہاڑوں کے پیچھے ایک قوم کو جو نہیں سمجھ سکتے تھے ( انکی ) کوئی بات ۔

انھوں نے کہا اے ذوالقرنین ! یاجوج اور ماجوج نے بڑا فساد برپا کر رکھا ہے اس علاقہ میں ۱۱۳ ف تو کیا ہم مقرر کر دیں آپ کے لیے کچھ خراج تاکہ آپ بنا دیں ہمارے درمیان اور ان کے درمیان ایک بلند دیوار ۔

وہ بولا وہ دولت جس میں میرے رب نے مجھے اختیار دیا ہے وہ بہتر ہے ۱۱۴ ف پس تم میری مدد کرو جسمانی مشقت سے ، میں بنا دوں گا تمہارے اور ان کے درمیان ایک مضبوط آڑ ۔

تم لے آؤ میرے پاس لوہے کی چادریں ( چنانچہ کام شروع ہو گیا ) یہاں تک کہ جب ہموار کر دیا گیا ۱۱۵ ف وہ خلا جو دو پہاڑوں کے درمیان تھا تو اس نے حکم دیا دھونکو یہاں تک کہ جب وہ لوہا آگ بنا دیا تو اس نے کہا لے آؤ میرے پاس پگھلا ہوا تانبا کہ میں اسے اس پگھلے ہوئے لوہے پر انڈیلوں ۔

سو یاجوج ماجوج بڑی کوشش کے باوجود اسے سر نہ کر سکے اور نہ ہی اس میں سوراخ کر سکے ۱۱۶ ف ۔

ذوالقرنین نے کہا یہ میرے رب کی رحمت ہے ( کہ اس نے مجھے یہ توفیق بخشی ) اور جب آ جائے گا میرے رب کا وعدہ تو وہ اسے ریزہ ریزہ کر دے گا ۔ اور میرے رب کا وعدہ ( ہمیشہ ) سچا ہوا کرتا ہے ۔

اور ہم واگزار کر دیں گے بعض کو اس دن کہ وہ ( تُند موجوں کی طرح ) دوسروں میں گھس جائیں گے اور صور پھونکا جائے گا تو ہم سب کو اکٹھا کر دیں گے ۔

اور ہم ظاہر کر دیں گے جہنم کو اس دن کفار کے لیے بالکل عیاں ۔

وہ کافر جن کی آنکھوں پر پردے پڑے تھے میری یاد سے اور جو ( کلمہ حق ) سن بھی نہیں سکتے تھے ۔

کیا گمان کرتے ہیں کفار کہ وہ بنا لیں گے میرے بندوں کو میرے بغیر اپنا حمایتی ۱۱۷ ف ( یہ ناممکن ہے ) بیشک ہم نے تیار کر رکھا ہے جہنم کو کفار کی رہائش کے لیے ۔

فرمائیے ( اے لوگو ) کیا ہم مطلع کریں تمہیں ان لوگوں پر جو اعمال کے لحاظ سے گھاٹے میں ہیں ۱۱۸ ف ۔

یہ وہ لوگ ہیں جن کی ساری جدوجہد دنیوی زندگی کی آراستگی میں کھو کر رہ گئی اور وہ یہ خیال کر رہے ہیں کہ وہ کوئی بڑا عمدہ کام کر رہے ہیں ۱۱۹ ف ۔