Makki · 4 Ayahs · Juz 30

Surah Al-Ikhlaas

The Sincerity

سُورَةُ الإخلاص

Ayah 1 / 4

Al-Ikhlaas · Ayah 1 of 4Paused · arabic urdu

ArabicUrdu

بِسْمِ ٱللَّهِ ٱلرَّحْمَٰنِ ٱلرَّحِيمِ ﴿١﴾

In the name of Allah, the Most Gracious, the Most Merciful.

Al-Ikhlaas · Ayah 112:1

قُلۡ ہُوَ اللّٰہُ اَحَدٌ ۚ﴿۱﴾

۔( اے حبیب ! فرما دیجیے وہ اللہ ہے ، یکتا ۔

Al-Ikhlaas · Ayah 112:2

اَللّٰہُ الصَّمَدُ ۚ﴿۲﴾

اللہ صمد ہے ۔

Al-Ikhlaas · Ayah 112:3

لَمۡ یَلِدۡ ۬ ۙ وَلَمۡ یُوۡلَدۡ ۙ﴿۳ ﴾

نہ اس نے کسی کو جنا اور نہ وہ جنا گیا ۔

Al-Ikhlaas · Ayah 112:4

وَلَمۡ یَکُنۡ لَّہٗ کُفُوًا اَحَدٌ ٪﴿۴﴾  37

اور نہ ہی اس کا کوئی ہمسر ہے ۔

Next Surah ›

113. Al-Falaq · 5 ayat

الفلق

Tafseer al-Qur’an

Surah Al-Ikhlaas · Ayah 1

Zia ul Quran

1 اگر آپ اقوام عالم کے مذہبی عقائد کا مطالعہ کریں تو آپ ششدر ہو کر رہ جائیں گے۔ خالق کائنات کے بارے میں بھانت بھانت کی بولیاں سن کر آپ کو دماغ چکرانے لگے گا اور دل ڈوبنے لگے گا۔ بعض نے تو کسی خدا کو ماننے ہی سے انکار کردیا ہے۔ ان کے نزدیک یہ جہان رنگ وبو، اتفاقاً محض بطور حادثہ پید اہو گیا ہے، کسی کی حکمت، کسی کے علم، کسی کی قدرت کا اس میں ذرا دخل نہیں۔ یہ چرخ نیلوفری، یہ کرہ زمین، اس میں فلک بوس پہاڑ، ان میں ابلتے ہوئے چشمے، رواں دواں ندیاں، ان کے دامن میں رنگیں مہکتے پھول اور چبھتے ہوئے کانٹے، شبنم کے قطرے، اور سمندروں کی بیکرانیاں خود بخود ظہر پذیر ہوگئیں۔ نیلگوں فضا میں ان گنت ستاروں کے چراغ خود ہی روشن ہوگئے، آفتاب وماہتاب کی تابانیاں کسی خالق کی ندرت تخلیق کا کرشمہ نہیں۔ بعض اقوام ایک خدا کی قائل تھیں، مگر ایسا خالق جو علم و حکمت اور قوت ِ تدبیر سے یکسر عاری ہے۔ بعض نے دو اور بعض نے انگشت خدا بنا ڈالے، ان خداؤں کے مشاشقوں کی داستانیں بڑی اخلاق سوز ہیں۔ ان میں رقابت کی آگ بھی بھڑکی، انھوں نے ایک دوسرے کی بیویوں کو اغوا تک کیا، ان سے بد معاشی سے بھی باز نہ آئے۔ ان کے درمیان خونریز جنگیں بھیں ہوئیں۔ ان کی اولاد بھی پیدا ہوئی۔ غرضیکہ اس سلسلے میں بدتمیزی کا وہ طوفان برپا ہے کہ الامان والحفیظ۔ لطف یہ ہے کہ ان خرافات کو ماننے والے، ان پر ایمان رکھنے والے، بڑے جوش و خروش سے ان کا پرچار کرنے والے، معمولی قسم کے آدمی نہ تھے۔ ان میں فلاسفر بھی تھے، منطقی بھی، ان میں چوٹی کے سائنس دان بھی تھے اور ریاضی دان بھی، کشور فصاحت کے تاجدار بھی تھے اور نغز گو شاعر بھی دانش وروں، عقل وفہم کے مجسموں، مذہبی رہنماؤں اور سیاسی قائدوں اور بےنظیر فاتحوں کا ایک جم غفیر ٹھاٹھیں مارتا ہوا نظر آتا ہے۔ ہند، چین، روم، یونان اور مصر، جہاں تہذیب و تمدن کے چراغ روشن تھے، یہ کیفیت وہاں کی تھی۔ اللہ تعالیٰ کا حبیب، توحید کا علمبردار، دعوت حق کا مبلغ اعطم، سیدنا محمد رسول اللہ (صلی اللہ علیہ وآلہ وسلم) جس ملک میں تشریف لائے، وہاں تو سونے، تانبے، فولاد، پتھر اور لکڑی کے بیشمار خداؤں کی خدائی کا ڈنکا بج رہا تھا۔ جب اس ہادئ برحق نے صفا کی چوٹی پر کھڑے ہو کر قولوا لا الہ الا اللہ کا اعلان کیا تو لوگوں کے ذہنوں میں کھلبلی مچ گئی۔ سوالات واستفسارات کا ایک سیلاب امڈ آیا۔ فرمائشوں پر فرمائشیں ہونے لگیں۔ کوئی کہتا انسب لنا ربک، ذرا اپنے رب کا نسب نامہ تو بیان فرمائیے۔ کوئی کہنے لگا : آپ کا رب کسی چیز کا بنا ہوا ہے ؟ لوہے کا، مٹی کا، پتھر کا، تانبے کا، سونے ک ؟ دنیا کی ہر چیز کا کوئی نہ کوئی مادہ ہے، آخر آپ کے رب کا کیا مادہ ہے ؟ کوئی بےتابی سے پوچھ رہا تھا کہ آپ کے رب کی خوراک کیا ہے ؟ جس نے تنہا اپنے کاندھوں پر کائنات کی تخلیق اور تدبیر کا بار گراں اٹھایا ہوا ہے وہ کھاتا کیا ہے ؟ ان کے ذہنوں کی تنگ دامانی اور ان کے افکار کی کجی عجیب و غریب سوالات کے پیکر میں ظاہر ہو رہی تھی۔ اس اللہ تعالیٰ نے اپنے محبوب مکرم (صلی اللہ علیہ وآلہ وسلم) پر یہ سورة مبارکہ نازل کی اور اس کی چند آیتو میں گمراہی کی ان گنت صورتوں کا قلع قمع کردیا۔ ارشاد ہے : قل : اے عبد کامل ! سب سے بڑی سچائی کا اعلان تو اپنی زبان سے فرماتا کہ کسی کو مجال انکار نہ رہے۔ بسا اوقات کمال بھی حجاب بن جایا کرتا ہے۔ کمالات بھی بیشمار ہیں اور ان سے پیدا ہونے والے حجابات بھی ان گنت ہیں۔ کہیں حسن، کہیں قوت، کہیں علم، کہیں دولت، کہیں اقتدار و حکومت اور کہیں جنگی فتوحات کے نقاب حق کے روئے زیبا کو مستور کردیتے ہیں۔ ان حجابات کو وہی اٹھا سکتا ہے، ان نقابوں کو وہی الٹ سکتا ہے جو خود جملہ کمالات سے یوں متصف ہو کہ اس کی نظیر پیش نہ کی جاسکے۔ اے حبیب ! ہم نے آپ کو تمام کمالات کا پیکر رعنا بنا کر بھیجا ہے۔ اٹھیے اور اپنی صدائے دلنواز سے نخوت وپندار کے ان بتوں کو ریزہ ریزہ کردیجیے۔ فرعون نے ملک مصر کی حکمرانی سے اپنا دماغی توازن کھودیا تھا اور خدائی کا دعوی کیا تھا۔ تجھے تو میں نے وہ سلطانی عطا فرمائی ہے کہ تیری انگلی کے شارے سے چاند دو ٹکڑے ہوجاتا ہے۔ اس بےمثال سلطانی کے باوجود اگر تو یہ کہے گا کہ لا الہ الا اللہ تو کسی حکمران کی یہ مجال نہیں ہوگی کہ وہ اپنی خدائی کا علان کرسکے۔ ہم نے تجھے وہ شان رفیع عطا فرمائی ہے کہ سب نبی، سب رسول، اس کی جلالت شان کو دیکھ کر سربجیب ہیں۔ جب تو یہ کہے گا لا الہ الا اللہ کہ میں بایں ہمہ کمال خدا نہیں، بلکہ بندہ ہوں تو کسی کو یہ حق نہ پہنچے گا کا وہ کسی نبی یا رسول کو خدا یقین کرے۔ تیرے علم کا بحر بےپیدا کنار، کان ومایکون کو محیط ہے۔ تیری نگاہ رسا، اسرار و معارف کی گہرائیوں تک پہنچی ہوئی ہے، اس علم بےپایاں کے باوجود اگر تو یہ کہے گا کہ میں خدا نہیں، بلکہ اس کا بندہ ہوں، جب تیری زبان سے لا الہ الا اللہ کا اعلان ہوگا تو کسی علامہ دہر اور فاضل اجل کو جرأ نہ ہوگی کہ اپنی خدائی کا دم بھر سکے۔ آپ کے جد امجد، میرے خلیل نے لوہے کی گرز سے اپنی قوم کے صنم کدے میں سجے ہوئے بتوں کو توڑ پھوڑ کر رکھ دیا تھا۔ اے فرزند خلیل ! اٹھیے اور قل ھو اللہ احد کی کہسار شکل ضرب سے افکار ونظریات کے بتکدوں کو پاش پاش کردیجیے تاکہ اس کے بعد کوئی سلیم الفطرت انسان یہ کہنے کی جرات نہ کرسکے کہ تیرے خدا کے بغیر بھی کوئی اور خدا ہے، تیرے رب کے بغیر بھی اس جہان کا کوئی رب ہے، تیرے عزتوں والے، شانوں والے، قوتوں والے، حکمت والے، ہمہ بین اور ہمہ دان پروردگار کے سوا کوئی اور بھی خدا ہے۔ تیرے لبوں سے حق کی صدا نکلے گی، تو زمین کی وسعتیں، فضا کی پہنائیاں، آسمان کی رفعتیں، عرش کی بلندیاں، اس صدائے حق سے گونجنے لگیں گی۔ اللہ تعالیٰ نے جو چاہا، وہ پورا ہو کر رہا، بطحاء کی سنان وادی سے اٹھنے والی یہ میٹھی آواز سارے جہاں کی غوغا آرائیوں پر غالب آگئی۔ دین اسلام کا آفتاب کیا طلوع ہوا کہ مذاہب باطلہ کے چراغ بےنور ہوگئے۔ اللہ تعالیٰ کی مخلوق، آدم کی اولاد کو اپنے خالق ومالک کا صحیح عرفان نصیب ہوگیا۔ حکم ہوا قل ھو اللہ احد یعنی آپ ان پوچھنے والوں کو بتا دیجیے کہ جس معبود کی طرف میں تمہیں بلا رہا ہوں، جس کی حریم ناز تک میں تمہیں لے جانا چاہتا ہوں، وہ تمہارے اندھے بہرے بتوں کی طرح پتھر، تانبے، لکڑی کا بنا ہوا نہیں ہے، وہ اللہ ہے جو احد ہے، جو یکتا ہے، احد : اس ایک کو کہتے ہیں جس کا دوسرا نہ ہو، نہ ذات میں، نہ صفات میں، نہ کمالات میں۔ اس اعلان ہوتے ہی سونے، چاندی، لوہے، تانبے پتھر، لکڑی کے بنے ہوئے جو معبود صدیوں سے خدائی کی مسند پر برے کروفر سے براجمان تھے، منہ کے بل زمین پر اوندھے گرپڑے۔

Key Points

1اللہ تعالیٰ کی صفتِ رحمانیت و ربوبیت کا بیان
2روزِ جزا کی حاکمیتِ مطلقہ اور توحیدِ عبادت
3صراطِ مستقیم اور انعام یافتہ ہستیوں کا راستہ

Related Ayahs

View All ›

2:163

وَإِلَٰهُكُمْ إِلَٰهٌ وَاحِدٌAnd your God is One God.

6:162

قُلْ إِنَّ صَلَاتِي وَنُسُكِيSay: my prayer and sacrifice…

“

Al-Fatihah is the greatest surah in the Holy Qur’an.

— Sahih al-Bukhari 4474