Surah Al-Momin

حا ۔ میم ۱ ف ۔

اتاری گئی ہے یہ کتاب اللہ تعالیٰ کی طرف سے ، جو زبردست ہے سب کچھ جاننے والا ہے ۲ ف ۔

گناہ بخشنے والا اور توبہ قبول فرمانے والا ۳ ف سخت سزا دینے والا ۴ ف فضل و کرم فرمانے والا ہے ۵ ف نہیں کوئی معبود اس کے سوا ۶ ف اسی کی طرف ( سب نے ) لوٹنا ہے ۷ ف ۔

نہیں تنازعہ کیا کرتے اللہ کی آیتوں میں مگر کافر ۸ ف پس نہ دھوکہ میں ڈالے تمہیں ان لوگوں کا ( بڑے کرّو فر سے ) آنا جانا مختلف شہروں میں ۹ ف ۔

جھٹلایا تھا ان سے پہلے قوم نوح نے اور کئی ( دوسرے ) گروہوں نے ان کے بعد ۔ اور قصد کیا ہر امت نے اپنے رسول کے متعلق کہ اسے گرفتار کر لیں اور جھگڑتے رہے ( اس کے ساتھ ) ناحق ۔ تاکہ جھٹلا دیں اس کے ذریعہ حق کو ۔ پس میں نے پکڑ لیا انہیں ۔ پس کتنا شدید تھا میرا عذاب ۱۰ ف ۔

اور اسی طرح واجب ہو گیا اللہ کا فیصلہ کفار پر کہ وہ دوزخی ہیں ۱۱ ف ۔

جو فرشتے اٹھائے ہوئے ہیں عرش کو ۱۲ ف اور وہ جو عرش کے اردگرد ( حلقہ زن ) ہیں وہ تسبیح کرتے ہیں ۱۳ ف حمد کے ساتھ اپنے رب کی اور ایمان رکھتے ہیں اس پر اور استغفار کیا کرتے ہیں ایمان والوں کے لیے ۱۴ ف ( کہتے ہیں ) اے ہمارے رب ! تو گھیرے ہوئے ہے ہر شے کو ( اپنی ) رحمت اور علم سے ۱۵ ف پس بخش دے انھیں جنہوں نے ( کفر سے ) توبہ کی ہے اور پیروی کی ہے تیرے راستہ کی اور بچا لے انھیں عذاب جہنم سے ۱۶ ف ۔

اے ہمارے رب ! داخل فرما انھیں سدا بہار باغوں میں جن کا تو نے ان سے وعدہ فرمایا ہے اور جو قابل بخشش ہیں ان کے والدین ، ان کی بیویوں اور ان کی اولاد سے ۔ بیشک تو ہی سب سے زبردست ( اور ) حکمت والا ہے ۱۷ ف ۔

اور بچا لے انھیں سزاؤں سے اور جس کو تو بچا لے سزاؤں سے ۱۸ ف اس دن تو گویا تو نے بڑی رحمت فرمائی اس پر ، اور یہی ہے بہت بڑی کامیابی ۱۹ ف ۔

بیشک جن لوگوں نے کفر کیا انھیں ندا دی جائے گی کہ اللہ تعالیٰ کی ( تم سے ) بیزاری بہت زیادہ ہے اس بیزاری سے جو تمہیں اپنے آپ سے ہے ( یاد ہے ) جب تم بلائے جاتے ایمان کی طرف تو تم کفر کیا کرتے ۲۰ ف ۔

وہ کہیں گے اے ہمارے رب ! تو نے ہمیں دو مرتبہ موت دی اور دو مرتبہ زندہ کیا ، پس اب ہم اعتراف کرتے ہیں اپنے گناہوں کا ۔ سو کیا ( یہاں سے ) نکلنے کی بھی کوئی صورت ہے ۲۱ ف ۔

اس کی وجہ یہ تھی کہ جب پکارا جاتا اللہ تعالیٰ کو اکیلا تو تم انکار کر دیتے اور اگر شریک بنایا جاتا کسی کو اس کا تو تم مان لیتے ۲۲ ف پس حکم کا اختیار اللہ کے لیے ہے جو برتر اور بزرگ ہے ۲۳ ف ۔

اور وہی ہے جو دکھاتا ہے تمہیں اپنی آیتیں ۲۴ ف اور نازل فرماتا ہے تمہارے لیے آسمان سے رزق ۲۵ ف اور نہیں نصیحت قبول کرتا مگر وہ جو ( اللہ کی طرف ) رجوع کرنے والا ہے ۲۶ ف ۔

تو عبادت کرو اللہ تعالیٰ کی خالص کرتے ہوئے اس کے لیے دین کو اگرچہ ناپسند کریں کفار ۲۷ ف ۔

بلند درجات پر فائز کرنے والا ، عرش کا مالک ۲۸ ف نازل فرماتا ہے وحی اپنے فضل سے اپنے بندوں میں سے جس پر چاہتا ہے ۲۹ ف تاکہ وہ ڈرائے ملاقات کے دن سے ۳۰ ف ۔

وہ دن جب وہ ظاہر ہوں گے ۳۱ ف پوشیدہ نہ ہو گی اللہ تعالیٰ پر ان کے حالات سے کوئی شے ، کس کی بادشاہی ہے آج ؟ ( کسی کی نہیں ) صرف اللہ کی جو واحد ( اور ) قہار ہے ۔

آج بدلہ دیا جائے گا ہر نفس کو جو اس نے کمایا تھا ۔ ذرا ظلم نہیں ہو گا آج ، بیشک اللہ تعالیٰ بہت تیزی سے حساب لینے والا ہے ۔

اور آپ ڈرائیے انھیں قریب آنے والے دن سے ۳۲ ف جب کہ دل گلے میں اٹک جائیں گے خوف و دہشت سے بھرے ہوئے ۳۳ ف نہ ہو گا ظالموں کے لیے کوئی دوست اور نہ ایسا سفارشی ۳۴ ف جس کی سفارش مانی جائے ۔

وہ جانتا ہے خیانت کرنے والی آنکھوں کو اور ان باتوں کو جنہیں سینے چھپائے ہوئے ہیں ۳۵ ف ۔

اور اللہ فیصلہ فرمائے گا حق کے ساتھ ۳۶ ف اور جنہیں وہ اللہ کے بغیر پکارتے ہیں وہ کسی چیز کا فیصلہ نہیں کر سکتے ۔ بیشک اللہ تعالیٰ ہی سب کچھ سننے والا ( اور ) سب کچھ دیکھنے والا ہے ۔

کیا انھوں نے سیر و سیاحت نہیں کی زمین میں تاکہ وہ دیکھتے کہ کیا انجام ہوا ان لوگوں کا جو ان سے پہلے تھے ۳۷ ف وہ قوت کے لحاظ سے بھی ان سے طاقتور تھے اور زمین میں ( چھوڑے ہوئے ) آثار کے لحاظ سے بھی ۔ تو پکڑ لیا انھیں اللہ تعالیٰ نے ان کے گناہوں کے باعث اور نہیں تھا ان کے لیے اللہ سے کوئی بچانے والا ۔

یہ اس لیے کہ لے کر آتے رہے ان کے پاس ان کے رسول روشن نشانیاں تو انھوں نے ( ہر بار ) ماننے سے انکار کر دیا ، پس پکڑ لیا انھیں اللہ نے ۔ بیشک وہ بڑا طاقتور سخت سزا دینے والا ہے ۔

اور بیشک بھیجا ہم نے موسیٰ ( علیہ السلام ) کو اپنی نشانیوں اور روشن سند کے ساتھ ۳۸ ف ۔

فرعون ، ہامان اور قارون کی طرف تو انھوں نے کہا ( یہ ) جادوگر ہے بڑا جھوٹا ہے ۳۹ ف ۔

پھر جب موسیٰ لے کر آئے ان لوگوں کے پاس حق ہمارے ہاں سے ۔ تو انھوں نے کہا کہ قتل کر ڈالو ان لوگوں کے بچوں کو جو ان کے ساتھ ایمان لائے اور زندہ چھوڑ دو ان کی لڑکیوں کو ۴۰ ف اور نہیں ہے کافروں کا ہر مکر مگر رائیگاں ۴۱ ف ۔

اور فرعون نے ( جھنجھلا کر ) کہا مجھے چھوڑ دو میں موسیٰ کو قتل کروں اور وہ بلائے اپنے رب کو ( اپنی مدد کے لیے ) ۴۲ ف مجھے اندیشہ ہے کہ کہیں وہ تمہارا دین بدل نہ دے یا فساد نہ پھیلا دے ملک میں ۴۳ ف ۔

اور موسیٰ ( علیہ السلام ) نے کہا میں پناہ مانگتا ہوں اپنے رب کی اور تمہارے پروردگار کی ہر اس متکبر ( کے شر ) سے جو روز حساب پر ایمان نہیں رکھتا ۴۴ ف ۔

اور کہنے لگا ایک مرد مومن جو فرعون کے خاندان سے تھا اور چھپائے ہوئے تھا اپنے ایمان کو ، کیا تم قتل کرنا چاہتے ہو ایک شخص کو اس وجہ سے کہ وہ کہتا ہے میر اپروردگار اللہ تعالیٰ ہے ، حالانکہ وہ لے آیا ہے تمہارے پاس دلیلیں تمہارے رب کی طرف سے ( اسے اپنے حال پر رہنے دو ) اگر وہ حقیقتاً جھوٹا ہے تو اس کے جھوٹ کی شامت اس پر ہو گی اور اگر وہ سچا ہوا ( اور تم نے اس کو گزند پہنچائی ) تو ضرور پہنچے گا تمہیں عذاب جس کا اس نے تم سے وعدہ کیا ہے ۔ بیشک اللہ تعالیٰ ہدایت نہیں دیتا اسے جو حد سے بڑھنے والا ، بہت جھوٹ بولنے والا ہو ۴۵ ف ۔

اے میری قوم ! مانا آج حکومت تمہاری ہے ( نیز تمہیں ) غلبہ حاصل ہے اس ملک میں ( لیکن مجھے یہ تو بتاؤ ) کون بچائے گا ہمیں خدا کے عذاب سے اگر وہ ہم پر آ جائے ۴۶ ف ( یہ سن کر ) فرعون کہنے لگا میں تو تمہیں وہی مشورہ دیتا ہوں جس کو میں درست سمجھتا ہوں اور نہیں رہنمائی کرتا میں تمہاری مگر سیدھے راستہ کی طرف ۴۷ ف ۔

اور کہنے لگا وہی ایمان والا اے میری قوم ! میں ڈرتا ہوں کہ تم پر ( بھی کہیں ) پہلی قوموں کی تباہی کے دن جیسا دن نہ آ جائے ۴۸ ف ۔

جیسا حال ہوا تھا قوم نوح ، عاد اور ثمود کا اور ان لوگوں کا جو ان کے بعد آئے اور اللہ نہیں چاہتا کہ بندوں پر ظلم کرے ۔

اور اے میری قوم ! میں ڈرتا ہوں تمہارے بارے میں پکار کے دن سے ۴۹ ف ۔

جس روز تم بھاگو گے پیٹھ پھیرتے ہوئے ، نہیں ہو گا تمہارے لیے اللہ کے ( عذاب ) سے کوئی بچانے والا ۵۰ ف اور جسے گمراہ کر دے اللہ تعالیٰ اسے کوئی ہدایت دینے والا نہیں ۔

۔( اے میری قوم ) بیشک آئے تمہارے پاس یوسف ( موسیٰ علیہ السلام ) سے پہلے روشن دلائل لے کر ۔ پس تم شک میں گرفتار رہے اس میں جو وہ لے کر آئے تھے ۵۱ ف یہاں تک کہ جب وہ وفات پا گئے تو تم نے کہنا شروع کر دیا کہ نہیں بھیجے گا اللہ تعالیٰ ان کے بعد کوئی رسول ۵۲ ف یونہی گمراہ کر دیتا ہے اللہ تعالیٰ اسے جو حد سے بڑھنے والا ، شک کرنے والا ہوتا ہے ۔

۔( یونہی گمراہ کرتا ہے ) انھیں جو جھگڑتے رہتے ہیں اللہ کی آیتوں میں بغیر کسی ( معقول ) دلیل کے جو ان کے پاس آئی ہو ( یہ طریقہ ) بڑی ناراضگی کا باعث ہے اللہ کے نزدیک اور مومنوں کے نزدیک ۔ اسی طرح مہر لگا دیتا ہے اللہ تعالیٰ ہر مغرور ( اور ) سرکش کے دل پر ۵۳ ف ۔

اور فرعون نے کہا اے ہامان ! بنا میرے لیے ایک اونچا محل ( اس پر چڑھ کر ) میں ان راہوں تک پہنچ جاؤں ۵۴ ف ۔

یعنی آسمانوں کی راہوں تک پھر میں جھانک کر دیکھوں موسیٰ کے خدا کو اور میں تو یقین کرتا ہوں کہ وہ جھوٹا ہے ۵۵ ف اور یوں آراستہ کر دیا گیا فرعون کے لیے اس کا برا عمل اور روک دیا گیا اسے راہ ( راست ) سے اور نہیں تھا فرعون کا سارا فریب مگر اس کی اپنی تباہی کے لیے ۵۶ ف ۔

اور کہنے لگا وہ جو ایمان لایا تھا اے میری قوم ! میرے پیچھے چلو میں دکھاؤں گا تمہیں ہدایت کی راہ ۵۷ ف ۔

اے میری قوم ! یہ دنیوی زندگی تو ( چند روزہ ) لطف اندوزی ہے اور آخرت ہی ہمیشہ ٹھہرنے کی جگہ ہے ۔

جو برے کام کرتا ہے اسے سزا دی جائے گی اسی قدر اور جو نیک کام کرتا ہے خواہ مرد ہو یا عورت بشرطیکہ وہ ایماندار ہو تو وہ داخل ہوں گے جنت میں ، رزق دیا جائے گا انھیں وہاں بے حساب ۔

اور اے میری قوم ! میرا بھی عجیب حال ہے کہ میں تو تمہیں دعوت دیتا ہوں نجات کی طرف اور تم بلاتے ہو مجھے آگ کی طرف ۵۸ ف ۔

تم مجھے دعوت دیتے ہو کہ میں اللہ کا انکار کروں اور میں شریک ٹھیراؤں اس کے ساتھ اس کو جس کا مجھے علم تک نہیں اور میرا حال یہ ہے کہ میں پھر بھی تمہیں اس خدا کی طرف بلاتا ہوں جو عزت والا بہت بخشنے والا ہے ۔

سچی بات تو یہ ہے کہ جس کی ( بندگی کی ) طرف تم مجھے بلاتے ہو اسے کوئی حق نہیں پہنچتا کہ اسے پکارا جائے اس دنیا میں اور نہ آخرت میں ۵۹ ف اور یقیناً ہم سب کو لوٹنا ہے اللہ کی طرف اور یقیناً حد سے گزرنے والے ہی جہنمی ہیں ۔

پس ( اے میرے ہم وطنو ! ) عنقریب تم یاد کرو گے جو میں ( آج ) تمہیں کہہ رہا ہوں ۶۰ ف اور میں اپنا ( سارا ) کام اللہ کے سپرد کرتا ہوں ۔ بیشک اللہ تعالیٰ دیکھنے والا ہے ( اپنے ) بندوں کو ۶۱ ف ۔

پس بچا لیا اسے اللہ تعالیٰ نے ان اذیتوں سے جن کے پہنچانے کا انھوں نے حیلہ کیا اور ہر طرف سے گھیر لیا فرعونیوں کو سخت عذاب نے ۶۲ ف ۔

دوزخ کی آگ ہے پیش کیا جاتا ہے انھیں اس پر صبح و شام اور جس روز قیامت قائم ہو گی ( حکم ہو گا ) داخل کر دو فرعونیوں کو سخت تر عذاب میں ۶۳ ف ۔

کتنا ہوشربا سماں ہو گا ) جب باہم جھگڑیں گے دوزخ میں ، پس کہیں گے کمزور لوگ انھیں جو تکبر کیا کرتے تھے کہ ہم تو تمہارے تابع تھے ، پس کیا تم دور کر سکتے ہو ہم سے کچھ حصہ آگ ( کے عذاب ) کا ۶۴ ف ۔

جواب دیں گے متکبر ہم سب آگ میں ( بُھن رہے ) ہیں بیشک اللہ تعالیٰ نے فیصلہ فرما دیا ہے بندوں کے متعلق ( اب اس میں رد و بدل نہیں ہو سکتا ۶۵ ف ۔

اور کہیں گے سارے دوزخی جہنم کے داروغوں کو دعا کرو اپنے رب سے کہ ایک دن تو ہمارے عذاب میں ( کچھ ) تخفیف فرما دے ۶۶ ف ۔

وہ ( جواب میں ) کہیں گے کیا نہیں آیا کرتے تھے تمہارے پاس تمہارے رسول روشن دلیلوں کے ساتھ ۔ وہ کہیں گے بیشک ! داروغے کہیں گے تم خود ہی دعا مانگو ۔ اور حقیقت یہ ہے کہ نہیں ہے کافروں کی دعا مگر محض بے سود ۶۷ ف ۔

بیشک ہم ( اب بھی ) مدد کرتے ہیں اپنے رسولوں کی اور مومنین کی اس دنیوی زندگی میں اور اس دن بھی ( مدد کریں گے ) جس دن گواہ ( گواہی دینے کے لیے ) کھڑے ہوں گے ۶۸ ف ۔

اس روز نفع نہ دے گی ظالموں کو ان کی عذر خواہی اور ان کے لیے لعنت ہو گی اور ان کے لیے ( دوزخ کا ) بدترین گھر ہو گا ۔

اور ہم نے عطا فرمایا موسیٰ کو ( نور ) ہدایت اور وارث بنایا بنی اسرائیل کو کتاب کا ۔

جو سراپا ہدایت اور نصیحت تھی عقلمندوں کے لیے ۔

پس ( اے محبوب ) آپ صبر فرمائیے ( کفار کی اذیتوں پر ) بیشک اللہ کا وعدہ سچا ہے اور استغفار کرتے رہیے اپنی ( موہومہ ) کوتاہی پر ۶۹ ف اور پاکی بیان کیجیے اپنے رب کی حمد کرتے ہوئے شام کے وقت اور صبح کے وقت ۔

بیشک جو لوگ جھگڑتے ہیں اللہ کی آیتوں کے بارے میں بغیر کسی سند کے جو ان کے پاس آئی ہو ، نہیں ہے ان کے سینوں میں بجز بڑائی کی ایک ہوس کے جس کو وہ پا نہیں سکیں گے ۷۰ ف تو آپ اللہ کی پناہ طلب کیجیے ۷۱ ف بیشک وہی سب کچھ سننے والا ہے ، دیکھنے والا ہے ۔

بیشک پیدا کرنا آسمانوں اور زمین کا بہت بڑا کام ہے لوگوں کے پیدا کرنے سے لیکن بہت سے لوگ ( اس کھلی حقیقت کو ) نہیں جانتے ۷۲ ف ۔

اور یکساں نہیں ہے اندھا اور بینا ۷۳ ف اور ( اسی طرح ) مومن نیکوکار اور بدکار بھی یکساں نہیں ، تم بہت کم غور کرتے ہو ۷۴ ف ۔

یقیناً قیامت آ کر رہے گی ، ذرا شک نہیں ہے اس میں لیکن بہت سے لوگ ( قیامت پر ) ایمان نہیں لاتے ۷۵ ف ۔

اور تمہارے رب نے فرمایا ہے مجھے پکارو میں تمہاری دعا قبول کروں گا ۷۶ ف بیشک جو لوگ میری عبادت کرنے سے تکبر کرتے ہیں وہ عنقریب جہنم میں داخل ہوں گے ذلیل و خوار ہو کر ۷۷ ف ۔

اللہ ہی ہے جس نے بنائی ہے تمہارے لیے رات تاکہ تم آرام کرو اس میں اور ( بنایا ہے ) دن کو روشن ۷۸ ف بیشک اللہ تعالیٰ بڑا فضل ( و کرم ) فرمانے والا ہے لوگوں پر لیکن بہت سے لوگ ( اس کی نعمتوں کا ) شکر ادا نہیں کرتے ۔

وہ ہے اللہ تمہارا ( رب ) پیدا کرنے والا ہر چیز کا ، کوئی عبادت کے لائق نہیں بجز اس کے ۔ پس کیسے راہ حق سے تم روگردانی کرتے ہو ۷۹ ف ۔

اسی طرح ( راہِ حق ) سے منہ پھیر دیا جاتا ہے ان ( بد نصیبوں ) کا جو اللہ کی آیتوں کا انکار کرتے ہیں ۔

اللہ تعالیٰ وہ ہے جس نے بنایا ہے تمہارے لیے زمین کو قیام کی جگہ اور آسمان کو چھت ( کی مانند ) ۸۰ ف اور تمہاری صورت گری کی اور حسین بنا دیا تمہاری صورتوں کو اور کھانے کے لیے تمہیں پاکیزہ چیزیں عطا فرمائیں ۸۲ ف ایسی ( خوبیوں والا ) اللہ تمہارا پروردگار ہے ۔ پس بڑی ہی برکتوں والا ہے اللہ تعالیٰ جو سارے جہانوں کا پروردگار ہے ۸۳ ف ۔

وہی ہمیشہ زندہ رہنے والا ہے ، کوئی عبادت کے لائق نہیں بجز اس کے ، پس اس کی عبادت کرو اپنے دین کو اس کے لیے خالص کرتے ہوئے ۸۴ ف سب تعریفیں اللہ کے لیے جو سارے جہانوں کا پروردگار ہے ۔

آپ فرما دیجیے کہ مجھے منع کر دیا گیا ہے کہ میں عبادت کروں ان کی جن کو تم پکارتے ہو اللہ کے سوا ( میں ان کی عبادت کیسے کر سکتا ہوں ) جب آ گئی ہیں میرے پاس دلیلیں اپنے رب کی طرف سے ۔ اور مجھے حکم دیا گیا ہے کہ میں سر تسلیم خم کر دوں رب العالمین کے سامنے ۸۵ ف ۔

اللہ تعالیٰ وہ ہے جس نے پیدا کیا تمہیں مٹی سے پھر نطفہ سے ، پھر گوشت کے لوتھڑے سے پھر نکالا تمہیں ( شکم مادر سے ) بچہ بنا کر پھر ( پرورش کی تمہاری ) تاکہ تم پہنچو اپنی جوانی کو پھر ( تمہیں زندہ رکھا ) تاکہ تم بوڑھے ہو جاؤ ۔ اور بعض تم میں سے فوت ہو جاتے ہیں پہلے ہی اور ( یہ سارا نظام اس لیے ہے ) کہ تم پہنچ جاؤ مقررہ میعاد تک اور تاکہ تم ( اپنے رب کی عظمتوں کو ) سمجھنے لگ جاؤ ۸۶ ف ۔

وہی ہے جو جلاتا ہے اور مارتا ہے پس جب کسی کام کا فیصلہ کرتا ہے تو صرف اتنا فرماتا ہے اسے کہ ہو جا تو وہ کام ہو جاتا ہے ۔

کیا تم نہیں دیکھتے ان ( نادانوں ) کی طرف جو جھگڑا کرتے ہیں اللہ کی آیات میں ۔ یہ کہاں بھٹک رہے ہیں ۸۷ ف ۔

جن لوگوں نے جھٹلایا اس کتاب کو اور اس چیز کو بھی جو دے کر ہم نے اپنے رسولوں کو بھیجا تھا ۔ انھیں ( اپنی تکذیب کا انجام ) معلوم ہو جائے گا ۸۸ ف ۔

جب طوق ان کی گردنوں میں ہوں گے اور زنجیریں ۔ انھیں گھسیٹ کر لے جایا جائے گا

کھولتے ہوئے پانی میں ۔ پھر دوزخ کی آگ میں جھونک دیے جائیں گے ۸۹ ف ۔

پھر پوچھا جائے گا ان سے کہاں ہیں وہ جنہیں تم شریک ٹھہراتے تھے

اللہ کے سوا ۹۰ ف ( بصد یاس ) کہیں گے وہ تو گم ہو گئے ہم سے ۹۱ ف بلکہ ہم تو کسی چیز کو پوجتے ہی نہ تھے اس سے پہلے ۹۲ ف اسی طرح اللہ گمراہ کرتا ہے کافروں کو ۔

یہ ( سزا اور رسوائی ) بدلہ ہے اس کا کہ تم خوشیاں منایا کرتے تھے زمین میں ( اپنے عارضی اقتدار پر ) ناحق اور بدلہ ہے اس کا جو تم ( اپنے فانی اموال و املاک پر ) اترایا کرتے تھے ۹۳ ف ۔

اب داخل ہو جاؤ جہنم کے دروازوں میں تم وہاں ہمیشہ رہنے والے ہو ۔ پس یہ بہت برا ٹھکانا ہے تکبر و غرور کرنے والوں کا ۔

۔( اے حبیب ! ) آپ ( ان کی نازیبا حرکتوں پر ) صبر فرمائیے ، اللہ کا وعدہ سچا ہے ۹۴ ف سو ہم خواہ آپ کو دکھائیں اس عذاب کا کچھ حصہ جس کا ان سے ہم نے وعدہ کیا ہے یا ( اس سے پہلے ہی ) آپ کو دینا سے اٹھا لیں ( یہ بچ نہیں سکتے ) آخرکار ہماری طرف ہی لوٹائے جائیں گے ۔

اور ہم نے بھیجے تھے پیغمبر آپ سے پہلے بھی ، ان میں سے بعض کا ذکر ہم نے آپ سے کر دیا اور ان میں سے بعض کا ذکر ( قرآن کریم میں ) آپ سے نہیں کیا ۹۵ ف اور کسی رسول کی مجال نہ تھی کہ وہ لے آتا کوئی نشانی اللہ کی اجازت کے بغیر ۔ پس جب آئے گا اللہ کا حکم ( تو ) فیصلہ کر دیا جائے گا حق ( و انصاف ) کے ساتھ اور باطل پرست وہاں ( سراسر ) گھاٹے میں رہیں گے ۹۶ ف ۔

اللہ پاک وہ ہے جس نے بنائے تمہارے لیے مویشی تاکہ ان میں سے کسی پر سواری کرو اور کسی کا ( گوشت ) کھاؤ ۹۷ ف ۔

اور تمہارے لیے ان میں طرح طرح کے فائدے ہیں اور ان میں سے ایک یہ فائدہ بھی ہے کہ ان پر سوار ہو کر اس منزل تک پہنچو جو تمہارے سینوں میں ہے اور ان مویشیوں پر اور کشتیوں پر تم لدے پھرتے ہو ۹۸ ف ۔

اور وہ دکھاتا ہے تمہیں اپنی نشانیاں ۔ پس اللہ تعالیٰ کی کن کن آیتوں کا تم انکار کرو گے ۔

کیا ان منکروں نے کبھی سیر و سیاحت نہیں کی زمین میں تاکہ انھیں نظر آ جاتا کہ کیا انجام ہوا ان ( منکروں ) کا جو ان سے پہلے گزرے ۹۹ ف وہ لوگ ان سے تعداد میں زیادہ تھے اور قوت میں زبردست تھے اور زمین میں اپنی نشانیوں کے لحاظ سے ( کہیں ہنرمند تھے ) پس یہ بتائیں کہ کیا فائدہ پہنچایا انھیں اس دولت نے جو وہ کماتے تھے ۔

پس جب آئے ان کے پاس ان کے رسول روشن دلیلیں لے کر تو انھوں نے کفر کیا اور نازاں رہے اس علم پر جو ان کے پاس تھا ۔ اور ( آخرکار ) گھیر لیا انھیں جس کا وہ مذاق اڑایا کرتے تھے ۱۰۰ ف ۔

پھر جب انھوں نے دیکھ لیا ہمارا عذاب تو کہنے لگے ہم ایمان لائے ہیں ایک اللہ پر اور ہم ان معبودوں کا انکار کرتے ہیں جن کو ہم ان کا شریک ٹھہرایا کرتے تھے ۔

پس کوئی فائدہ نہ دیا انھیں ان کے ایمان نے جب دیکھ لیا انھوں نے ہمارا عذاب ۔ یہی دستور ہے اللہ تعالیٰ کا جو ( قدیم سے ) اس کے بندوں میں جاری ہے اور سراسر خسارہ میں رہے اس وقت حق کا انکار کرنے والے ۱۰۱ ف ۔