Makki · 3 Ayahs · Juz 30

Surah Al-Kausar

The Abundance

سُورَةُ الکوثر

Ayah 1 / 3

Al-Kausar · Ayah 1 of 3Paused · arabic urdu

ArabicUrdu

بِسْمِ ٱللَّهِ ٱلرَّحْمَٰنِ ٱلرَّحِيمِ ﴿١﴾

In the name of Allah, the Most Gracious, the Most Merciful.

Al-Kausar · Ayah 108:1

اِنَّاۤ اَعۡطَیۡنٰکَ الۡکَوۡثَرَ ؕ﴿۱﴾

بیشک ہم نے آپ کو ( جو کچھ عطا کیا ) بے و بے حساب عطا کیا ۔

Al-Kausar · Ayah 108:2

فَصَلِّ لِرَبِّکَ وَانۡحَرۡ ؕ﴿۲﴾

پس آپ نماز پڑھا کریں اپنے رب کے لیے اور دیں ( اسی کی خاطر ) ۔

Al-Kausar · Ayah 108:3

اِنَّ شَانِئَکَ ہُوَ الۡاَبۡتَرُ ٪﴿۳﴾  33

یقیناً آپ کا جو ہے وہی بے ( و نشاں ) ہو گا ۔

Next Surah ›

109. Al-Kafiroon · 6 ayat

الكافرون

Tafseer al-Qur’an

Surah Al-Kausar · Ayah 1

Zia ul Quran

1 حضور رحمت للعالمین، شفیع المذنبین (صلی اللہ علیہ وآلہ وسلم) کے محامد و کمالات کے ذکر کا جو سلسلہ سورة الضحی سے شروع ہوا ہے وہ ابھی جاری ہے۔ ان تمام درمیانی سورتوں میں مختلف عنوانوں سے اللہ تعالیٰ نے ان انعامات و احسانات کا ذکر فرمایا جو اس نے اپنے حبیب لبیب پر یا اس کے طفیل اس کی امت پر فرمائے ہیں۔ اس سورت میں ان تمام عنایات کو الکوثر کے ایک کلمہ میں سمو کر رکھ دیا تاکہ چشم حق ہیں، حسن محمدی کے ایک ایک جلوے کو دیکھتی رہے اور سرشار ہوتی رہے۔ اس پیکر جمیل ورعنا کی رعنائیوں اور دلربائیوں میں کھوئی رہے۔ دل اس حسن سرمدی کی دلنوازیوں پر قربان ہوتا رہے۔ اس کی ایک ایک ادا جان پرور ہے، اس کا ایک ایک انداز روح افزا، زبان قدرت جب اپنے حبیب کی شان بیان کرتی ہے وہاں اسلوب ہی بڑا نرالا اختیار کیا جاتا ہے۔ ارشاد فرمایا انا : ہم نے جمع کی ضمیر استعمال ہوئی۔ جمع کا صیغہ کبھی کثرت اور تعدد پر دلالت کرتا ہے اور کبھی عظمت وشان کے اظہار کے لیے اتا ہے۔ یہاں یہی مقصد ہے۔ یعنی ہم نے جو زمین و آسمان کے خالق ومالک ہیں، ہم جو عروس گیتی کو سنوارنے اور نکھارنے والے ہیں، ہم جن کے جودو کرم کا وسیع دسترخوان ہر وقت بچھا ہوا ہے اور ہر ایک کے لیے صلائے عام ہے۔ اے حبیب ! ہم نے آپ کو کوثر عطا فرمایا ہے۔ جو چیز ہم عطا فرمانا چاہیں اسے کوئی روک نہیں سکتا۔ جو چیز ہم عطا فرمائی اسے کوئی چھین نہیں سکتا۔ یہاں اٰتینا کے بجائے اعطینا مذکور ہے۔ ان دونوں کے مفہوم میں بین فرق ہے۔ اعطی کے لفظ کی لغوی تحقیق کرتے ہوئے ابن منظور رقمطراز ہیں : الاعطاء والمعاطات جمیعا : والمناولۃ وقد اعطاء الشیئ : تناولتہ بالید : یعنی اپنے ہاتھ سے کوئی چیز کسی کے حوالے کردینا۔ (لسان العرب) اس تحقیق کی رو سے آیت کا مفہوم یہ ہوا کہ ہم نے اپنے دست قدرت سے الکوثر آپ کے حوالے کردیا، آپ کو اس کا مالک بنادیا۔ علامہ نیشا پوری اپنی تفسیر میں لکھتے ہیں کہ اس آیت میں گوناگوں مبالغہ ہے : منہا التصدیر بان ومنھا الجمع المفید للتعظیم ومنھا لفظ الاعطاء دون الآیت اء وفی الاعطاء دلیل التملیک دون الآیت اء ومنھا صیغۃ الماضی الدالۃ علی التحقیق۔ (نیشا پوری) ترجمہ : اس آیت کی ابتداء ان سے کی گئی ہے جو تاکید پر دلالت کرتا ہے۔ پھر ضمیر جمع ذکر کی گئی ہے جو تعظیم کا مفہوم دیتی ہے۔ نیز یہاں اعطاء کا لفظ استعمال ہوا ہے ایتاء کا نہیں اور اعطاء میں ملکیت پائی جاتی ہے ایتاء میں یہ معنی نہیں پایا جاتا۔ پھر یہاں ماضی کا صیغہ ذکر کیا جو تحقیق پر دلالت کرتا ہے۔ یعنی یہ کام ہوگیا۔ علامہ آلوسی لکھتے ہیں وفی اسناد الاعطاء الیہ دون الآیت اء اشارۃ الی ان ذلک ایتاء علی جہت التملیک۔ یہاں اعطاء کا اسناد ضمیر متکلم کی طرف کیا گیا ہے ایتاء کا نہیں۔ اس سے اس امر کی طرف اشارہ ہے کہ اللہ تعالیٰ نے حضور کو الکوثر کا مالک بنادیا ہے۔ کیا شان جودو سخا ہے دینے والے کی اور کیا مقام رفعت وعلا ہے لینے والے کا۔ اب ذرا ' الکوثر ' کو سمجھنے کی کوشش کیجیے تب آپ کو پتہ چلے گا کہ اس میں فضائل ومکارم کے کتنے سمندر سمو دیے گئے ہیں۔ 1 ۔ علامہ آلوسی لکھتے ہیں الکوثر : ھوفوعل من الکثرۃ صیغۃ مبالغۃ الشیئ الکثیر کثرۃ مفرطۃ۔ کوثر، کثرت سے ماخوذ ہے۔ اس کا وزن فوعل ہے جو مبالغہ کا صیغہ ہے۔ اس کا معنی سے کسی چیز اتنا کثیر ہونا کہ اس کا اندازہ نہ لگایا جاسکے۔ 2 علامہ قرطبی لکھتے ہیں والعرب تسمی کل شئی کثیر فی العدد والقدر والخطر کوثراً ۔ یعنی جو چیز تعداد میں، قدروقیمت میں اور اپنی اہمیت کے لحاظ سے بہت زیادہ ہو اسے کوثر کہتے ہیں۔ یہاں ایک چیز بڑی غور طلب ہے۔ قاعدہ یہ ہے کہ موصوف اور صفت دونوں یکجا مذکور ہوتے ہیں، لیکن یہاں معاملہ اس کے برعکس ہے۔ الکوثر جو صفت ہے وہ مذکور ہے، لیکن اس کا موصوف مذکور نہیں۔ اس میں کیا حکمت ہے ؟ علماء فرماتے ہیں اگر ایک چیز اللہ تعالیٰ نے اپنے رسول کو کوثر (بیحد وبے حساب) عطا کی ہوتی تو اس کو ذکر کردیا جاتا۔ اگر چند چیزیں ہوتیں تو ان کے بیان کا تکلف کیا جاتا۔ یہاں تو حالت یہ ہے کہ جو عطا فرمایا بےحدو بےحساب عطا فرمایا۔ کس کا ذکر کیا جائے اور کس کا نہ کیا جائے۔ اس لیے صفت ذکر کردی اور موصوف کو قاری کے ذہن پر چھوڑ دیا گیا۔ مقصد یہ ہے کہ اے حبیب میں نے آپ کو جو نعمتیں عطا فرمائی ہیں، وہ بیحد وبے حساب ہیں، علم، حلم، عفو و درگزر، الغرض جن محامد سے اللہ تعالیٰ نے اپنے حبیب کو سرفراز فرمایا وہ ایک سمندر ہے بےپیدا کنار، جس کی حد کو کوئی پا نہیں سکتا۔ علمائے تفسیر نے الکوثر کی تفسیر میں متعدد اقوال ذکر کیے ہیں۔ چند آپ بھی سماعت فرمائیے : 1 ۔ کوثر سے مراد جنت کی وہ نہر ہے جس سے جنت کی ساری نہریں نکلتی ہیں جو اللہ تعالیٰ نے اپنے حبیب کو عطا فرمادی ہیں۔ عن ابن عمر قال قال رسول اللہ (صلی اللہ علیہ وآلہ وسلم) الکوثر نہر فی الجنۃ حافتاہ من ذھب ومجراہ علی الر والیاقوت تربتہ اطیب من المسک وماءہ احلی من العسل وابیض من الثلج۔ ترجمہ : یعنی حضور نے فرمایا کہ کوثر جنت کی ایک نہر ہے جس کے دونوں کنارے سونے کے ہیں۔ موتیوں اور یاقوت کا فرش بچھا ہوا ہے۔ اس کی مٹی کستوری سے زیادہ خوشبودار ہے۔ اس کا پانی شہد سے زیادہ میٹھا اور برف سے زیادہ شفاف ہے۔ 2 ۔ اس حوض کا نام ہے جو میدان حشر میں ہوگا جس سے حضور (صلی اللہ علیہ وآلہ وسلم) اپنی امت کے پیاسوں کو سیراب فرمائیں گے، جس کے کناروں پر پیالے، آبخورے اتنی کثرت سے رکھے ہوں گے جتنے آسمان پر ستارے ہیں تاکہ در حبیب پر آکر کسی پیاسے کو انتظار کی زحمت نہ اٹھانی پڑے۔ اس حوض کے بارے میں احادیث متواترہ مذکور ہیں اور علماء نے یہ بھی لکھا ہے۔ وان علی ارکانہا اربعۃ خلفاءہ الاربعۃ۔ اس کے چاروں کونوں پر خلفائے اربعہ تشریف فرما ہوں گے ۔ جو شخص ان میں سے کسی کے ساتھ بغض کرے گا اسے حوض کوثر سے ایک گھونٹ بھی نہیں ملے گا۔ 3 ۔ النبوۃ : انبیاء تو حضور سے پہلے بھی تشریف لائے، لیکن نبوت محمدیہ کے فیوض و برکات کی کثرت کا کون اندازہ لگا سکتا ہے۔ نبوت کا دامن ساری نوع انسانیت کو سمیٹے ہوئے ہے۔ بلکہ آپ ساری کائنات کے نبی ہیں۔ آپ کا بحر رسالت زمان ومکان کی حدود سے آشنا نہیں۔ 4 ۔ کوثر سے مراد قرآن کریم ہے۔ انبیاء سابقین بھی صحائف اور کتابیں لے کر آئے لیکن جو جامعیت اور ابدیت اس کی تعلیمات میں ہے اس کی نظیر کہا ں۔ علوم و معارف کے جو خزینے اس صحیفہ رشد و ہدایت میں مستور ہیں وہ کسی اور کو نصیب نہیں۔ انسانی زندگی کے ان گنت شعبوں پر جس طرح اس کتاب مبین کا نور ضیا پاشیاں کر رہا ہے وہ کسی بصیرت والے سے مخفی نہیں۔ 5 ۔ اس سے مراد دین اسلام ہے۔ 6 ۔ اس سے مراد صحابہ کرام کی کثرت ہے۔ جتنے صحابہ حضور (صلی اللہ علیہ وآلہ وسلم) کے تھے، کسی دوسرے نبی یارسول کو اتنے صحاب میسر نہیں آئے۔ 7 ۔ اس مراد رفیع ذکر ہے۔ ساری کائنات کی بلندیوں اور پستیوں میں جس طرح اس نبئ رحمت (علیہ الصلوۃ والسلام) کے ذکر مبارک کا ڈنکا بج رہا ہے اس کا مثال نہیں ملتی۔ 8 ۔ قال جعفر الصادق علیہ وعلی آباہ الکرام السلام نور قلبہ الذی دلہ علی اللہ تعالیٰ وقطعہ عما سواہ۔ یعنی امام جعفر صادق کے نزدیک کوثر سے مراد حضور کے دل کا نور ہے جس نے آپ کی اللہ تعالیٰ تک رہنمائی کی اور ماسوا سے ہر قسم کا رشتہ منقطع کردیا۔ 9 ۔ مقام محمود۔ روز محشر جب شفیع المذنبین شفاعت عامہ فرمائیں گے۔ 10 ۔ حضرت ابن عباس نے الکوثر کی تفسیر بیان کی ہے الخیر الکثیر۔ یعنی خیر کثیر۔ حضرت سعید بن جبیر نے عرض کیا کہ لوگ تو کہتے ہیں کوثر جنت کی ایک نہر کا نام ہے، تو آپ نے فرمایا وہ بھی اس خیر کثیر میں سے ایک ہے۔ ھو من الخیر الکثیر۔ علامہ اسماعیل حقی الکوثر کے بارے میں متعدد اقوال نقل کرنے کے بعد لکھتے ہیں۔ والاظر ان جمیع نعم اللہ داخلۃ فی الکوثر ظاھرۃ وباطنۃ۔ فمن الظاھر خیرات الدنیا والاخرۃ ومن الباطنۃ العلوم اللدنیۃ الحاصلۃ بالفیض الاھی بغیر اکتساب۔ یعنی ظاہر یہ ہے کہ اللہ تعالیٰ کی ساری ظاہری و باطنی نعمتیں کوثر میں داخل ہیں۔ ظاہری نعمتوں سے مراد دنیا وآخرت کی بھلائیاں ہیں اور باطنی نعمتوں سے مراد وہ علوم لدنیہ ہیں جو بغیر کسب کے محض فیضان الٰہی سے حاصل ہوتے ہیں۔ علامہ قرطبی نے بھی اسی سے ملتی جلتی تشریح کی ہے۔ علامہ آلوسی فرماتے ہیں انہ الخیر الکثیر والنعم الدنیویۃ والاخرویۃ من الفضائل والفواضل۔۔ فمن الظاھر خیرات الدنیا والاخرۃ ومن الباطنۃ العلوم اللدنیۃ الحاصلۃ بالفیض الاھی بغیر اکتساب۔ یعنی ظاہر یہ ہے کہ اللہ تعالیٰ کی ساری ظاہری و باطنی نعمتیں کوثر میں داخل ہیں۔ ظاہری نعمتوں سے مراد دنیا وآخرت کی بھلائیاں ہیں اور باطنی نعمتوں سے مراد وہ علوم لدنیہ ہیں جو بغیر کسب کے محض فیضان الٰہی سے حاصل ہوتے ہیں۔ علامہ قرطبی نے بھی اسے سے ملتی جلتی تشیح کی ہے۔ علامہ آلوسی فرماتے ہیں انہ الخیر الکثیر والنعم الدنیویۃ والاخرویۃ من الفضائل والفواضل۔ وفیہ اشارۃ الی ان ناصح فی الاحادیث من فی الاحادیث من تفسیرہ (صلی اللہ علیہ وآلہ وسلم) ایاہ بالنہر من باب التمثیل والتخصیص لنکتۃ۔ یعنی کوثر سے مراد خیر کثیر ہے اور دنیوی واخروی نعمتیں جن میں فضیلتیں اور فضائل سب شامل ہیں۔ اس میں اس امر کی طرف بھی اشارہ ہے کہ احادیث میں کوثر کا معنی نہر بتایا گیا ہے یہ بطور تمثیل ہے۔

Key Points

1اللہ تعالیٰ کی صفتِ رحمانیت و ربوبیت کا بیان
2روزِ جزا کی حاکمیتِ مطلقہ اور توحیدِ عبادت
3صراطِ مستقیم اور انعام یافتہ ہستیوں کا راستہ

Related Ayahs

View All ›

2:163

وَإِلَٰهُكُمْ إِلَٰهٌ وَاحِدٌAnd your God is One God.

6:162

قُلْ إِنَّ صَلَاتِي وَنُسُكِيSay: my prayer and sacrifice…

“

Al-Fatihah is the greatest surah in the Holy Qur’an.

— Sahih al-Bukhari 4474